[A:274]
de nas phyis shig tu yal 'go'i sang la gtsang pa 'khor bcas kyis gtad sprug mdzad pas de dag la pha rol gyis mnan gtad byas pa'i mgon khang gnyan cha can zhig me dpung gis gzhob tu btang | yang de'i phyis su rnga yul gyi 'brog dge gong ma la bsrung rim du gtsang pas gtad sprug mdzad pas gzhan gang dag gis mnan gtad kyi gzhi'i sa khyon zhig 'phral du chu log rba klung gi shugs che ba byung bas sa khyon de nyid phyag shing mnan gtad gting nas sprugs par mdzad la | de rjes tsam na gtsang pa 'khor bcas a bse ba sogs kyi 'brog sder byon skabs rgad po zhig shi ba'i sngas mgor khong rnams kyis 'pho lung mdzad pas ro mgo'i skra rnams phaT sgra dang mnyam du dngos su phyogs la 'thor zhing nag tshub kyis 'phen 'gro ba der gnas dag gi mthong chos su gyur cing a bse ba la khong dag gis gtad sprug mdzad pas mnan gtad yod pa'i sa phyogs rten bcas 'phral du gnam lcags me char gyis bsreg bsnyun dang | chu log shugs btshan po'i klung rbab kyis gtan bshig gi sgo nas de dag la gnod pa'i mnan gtad gzhi nas sprugs pa dang | bar mtshams shig tu gtsang pa grwa 'khor bcas shug chung mkha' 'gro kun bzang chos kyi sgrol ma'i mdun du phebs lam nub cig tu gtsang chen sngags 'chang nyid kyi thugs snang du ye shes kyi mkha' 'gro ma bud med rgyan ldan zhig gi rnam par byung ba de'i phyag nas 'phyongs kyi sgrom bu mdzes pa nor bu'i dbyibs che chung mthe bong tsam pa'i nang du dbang chen gyi las tshogs yod pa de'i ming la dkar khra min nor gyi bang mdzod ces zer ba'i gter rdzas khyad mtshar can zhig gtsang pa nyid la dngos su 'bul ba byung zhing de rjes shug chung mkha' 'gro dang mjal phrad kyi skabs rnal 'byor ma de nyid kyis thugs legs dgyes kyi ngang nas zhal gsung mgur ma rang shugs kyis byung ba las gtsang pa 'di nyid kyis sngon dang phyi mtha' kun du rlabs chen 'gro ba 'dren pa'i tshul las brtsam ste sngon rabs khyad 'phags kyi sku phreng du ma bcas kyi bka' lung gsal bo yang yang stsal cing de nas rim par khong dpon slob kyis mdzo mo'i gnas chen du dpa' po'i dga' ston tshogs kyi 'khor lo rgya che ba zhig legs par 'dzoms na de dus su sngar gyi gter sgrom las heruka'i chos skor gyi las tshogs mang po bton chog pa zhig gis deng dus su bstan 'gro la legs sgo 'byung ba'i rten 'brel zhig yod na'ang dus ngan gyi rang mtshang ngar ba'i rang rtags dar la bdo drag pa dang de dus kyi sems can tsho'i las bzang po'i lhag ma tsam yang bgo skal du med pa'i rkyen gyis gang thad nas | stabs legs kyi go skabs kun nas ma 'grig la | de ma zad sngon gtsang pa 'khor bcas mgo log gtsang skor phyogs su gdul byar phebs dus shig nas kyang ldir Nan zhes pa'i brag dkar ngos su gter sgrom sder gang zab chos kyi sgo sna tshogs pa'i phung po zhig gi skal ba dus su babs kyang de yang sku gnyer sogs kyi dbang gis dus su lag tu ma long ba sogs mdzad sgo de 'dra'i gnas 'ga' re mchis mod snyigs dus la phan pa'i bya thabs gang nas pral