[A:281] gnam skos gong ma chen po'i sa chen gyi sgo legs skyong mdzad mkhan gang gis dbus gtsang du khrungs pa'i gtsang pa cha lung grub chen mchog gi yang sprul gyi snyan pa gsan te sa dbang gang nyid kyis dbus gtsang gi cha lung ba'i yang sprul de nyid rang gnas rgyal rong phyogs su gdan 'dren gyi bkod 'doms mdzad de dbus gtsang du bsu ma ched mngags kyi sgo nas thabs gang drag bcas kyis sku skyes gang dang nyid kyi slob dpon yongs 'dzin gong bla kun dga' rnam rgyal bcas gdan legs drangs kyi skal ba yod par brten rje grub chen gyi yang sprul mchog gi chibs kha khams rgyal mo tsha ba rong du bsgyur te sa dbang gang nyid kyi dbu blar legs phebs dang sku bdag kyang mi dbang rang gis mdzad de rgyal sa phun tshogs rdzong dang de phyogs kyi yul dgon ci rigs par rje gong bla dang gtsang pa cha lung ba'i yang sprul dang bcas lo 'ga' zhig gi ring du bzhugs te khong rnams kyis bstan 'gro'i don gyi bya ba che rab mdzad bzhin pa las dus re zhig gi tshe gong bla nyid sku ha cang bgres stabs dgongs pa dbyings su thim par mngon la de rjes shig nas rdzong rgyal gang la dus nyes che ba byung rkyen gong mas chad las kyis sku ma 'tsho stabs gtsang pa sprul sku drung 'khor bcas yar 'dzam thang du phebs dgos byung ste der yang gtsang pa cha lung ba'i sprul sku gang nyid kyis 'dzam thang gtsang sprul sku phreng gnyis pa phrin las rnam rgyal gyis gtsos dam pa 'ga' la chos bka' ci rigs pa legs par gsungs shing | de mtshams shig nas rje cha lung sprul pa'i sku'i gzugs sku'i me tog 'phrel du 'thor bar mdzad pas der gnas thugs slob gang dag yid mya ngan gyi khang bur chud pa na dus phyis 'dzi stod 'brim shar ri khrod na bzhugs pa'i lha tshe bla ma rtogs pa'i dbang phyug thugs rdo rje'i mngon shes mchog mnga' ngag dbang rgyal mtshan zhabs pa sku na gzhon gyi skabs tsam ste khong gi thugs snang ngor rje sprul sku de nyid kyis khong gser ri la byon rgyu yin pas myur du mjal lo | | gsung ba'i thugs nyams byung ba ltar lha tshe bla ma gang gis thugs slob gang dag la khyed cag gis mya ngan ma byed par gser ri zhes pa'i sa phyogs de rtsar chod mdzod dang der sprul sku khong nyid slar 'khrungs nges su 'dug go zhes pa'i bka' lung gsal bo legs par bstan no | |
gtsang pa 'gab ma sku phreng gsum pa ngag dbang sbyin pa rgya mtsho |
3. de ltar gyi lung bstan dang mthun par phyis mi ring ba na smra chu'i 'gram dang nye ba la brag gser nya 'dra ba zhig yod pas de la gser ri zhes zer zhing dus phyis su de'i ming zur chag tu gyur nas bse'i ri zhes pa'i ming chags pa de na rigs rus wa shul gyi mi zhig tu gtsang pa cha lung ba'i sku phreng gsum pa sprul sku ngag dbang sbyin pa rgya mtsho zhes bya ba ngo mtshar rtags bcas legs par 'khrungs pa yin la | de yang sku na chung byis pa'i dus nas nyi zer la gos dang ska rags 'phang na de ka ltar sdod thub pa'i rtags mtshan sogs ches mtshar khyad can zhig ste sku chung ngu'i dus su gtsang pa gong ma'i dbon lhun grub rgya