[A:282] mtshos sku bdag byas te rang gnas yag mdo'i sgar du 'khri 'don dga' ston dang bcas sku skyes gzhon nu khri khar legs 'khor mdzad pa nas bzung rim pas klog sogs bslab kyi sgo nas khong nyid chos grwar zhugs skabs dbon lhun grub rgya mtsho gang dang gtsang pa gong ma'i sku phreng gsum pa sogs skyes chen du ma snga phyi ci rigs su sku skyes 'di nyid kyis gus pas bla mar legs bkur mdzad nas rang lugs kyi chos bka' dbang lung man ngag zab khrid ci dgos mtha' dag gsan sgom khyad par ba mdzad nas chos srid gang thad nas cha lung sku phreng gsum pa 'di nyid mdzad 'phrin rgya nges par che zhing dus bar skabs su gtsang sprul gang nyid kyi bstan pa'i sbyin bdag a skyong dpon ngag dbang zhes pas dad gus mchog gis dbu blar bkur nas mchod yon zung 'brel gyis sku tshe gang bor bzhugs nas phyis a skyong mi dbang gang gis rtse ba rgyal po 'bangs sde yongs su rdzogs pa drag po'i g.yul chen gyis dbang bsgyur te thams cad chom la 'bebs skabs kyi klad dbu bla bsrung skyobs pa gcig chog kyang gtsang pa 'di nyid yin pas mdzad 'phrin gyi sgo phyogs su grags snyan rab tu rgyas pa'i rlabs chen spyod pa rgya cher mnga' la | gtsang pa sprul sku 'di'i sku rigs 'phrin las kyi mdzad sgo rgyas shing de bar zhig tu khong gtsang pa grwa 'khor bcas dbus gtsang du rten gsum khyad 'phags gang dag la mjal phyag mchod 'bul sogs bsags sbyangs khyad par can gyi ched du nye bar phebs su gtsang paN chen rin po che dang mjal phrad byung zhing phan tshun thugs mnyes dgyes tshor bcas kyis chos dang mthun pa'i bka' mol yang dag gi skal ba ldan te | paN chen mchog gi zhal nas | gtsang sprul 'di nyid rgyal ba jo nang pa'i nges don bstan pa'i mnga' bdag tu che gsol kyang mdzad | gtsang pa nyid dbus gtsang phyogs su bzhugs skabs 'grig na jo nang rtag brtan dgon sogs kyi chos gzhi khong la yongs gtad kyi bka' pheb 'gyur med nye bar stsal nas de skabs gtsang pa ma bzhugs kyang slad nas nges par dbus gtsang du rang re'i chos gzhi'i mnga' bdag tu pheb nges kyi zhal bzhes dang | de mthun paN chen khong nas bka' lung gsal po'i thob yig gi skyes bzang 'ja' sa legs gnang gi bka' drin gyi sgo nas gtsang pa 'khor bcas mar rang yul du re zhig log pa'i tshul gyis rang gnas sgar du bzhugs skabs kyang gtsang sprul gang nyid kyis bstan pa'i bya ba las kyi 'khor lo yang yag mdor rgyal ba'i thugs rten khyad mtshar ba phyi nang gi bkod pa yongs rdzogs nang gzhug rab gnas dga' ston bcas legs mdzad kyi sgo nas bstan la phan pa'i bya ba byas sogs de 'dra'i mdzad pa gzhan yang mang tshod du 'dug kyang ji bzhin gyi khungs ma rnyed |
de ltar bu'i mdzad pa rlabs po che nye bar khong nas bskyang skabs sngar dbus gtsang du paN chen mdun nas zhal bzhes ji skad mdzad pa bzhin gyi don rjes sor de lugs ltar ma byung la | gtsang sprul gang sku tshe ril bor mdzad pa mthar phyin par rang gnas su bzhugs dgos byung zhing nyin cig lha bzo bla