[A:284] 'ga' rgyal ba'i bka' chos chen mo dang bar 'ga' 'phags yul nas bstan bcos 'gyur ro cog gi gsung bsgrag dus dus su klog 'don zab mo mos chos zhal phye bar 'jug pa'i bdag rkyen yon 'bul gyi bzod nams legs sgo bgyi ba don dang ldan pa yang yang mdzad pa sogs sku tshe gang bor chos srid zung du 'brel ba'i spyod khyad bzang rab kyis dus 'da' ba'i sgo nas mdzad pa legs mthar phyin pa la nye skabs shig na nyin cig khong gi zhal nas | da rjes sor rang gi skye srid cig slar 'ong skabs mi khyim dbul bo zhig gi khyim du skye ba blang rgyu yin tshul dang | gzhan yang zhal chems sna tshogs pa re mdzad kyin bzhugs shing de mtshams sku bsnyung bzhes pa'i skabs zhabs brtan rim gro ci rigs dang bcas re zhig na de 'phral du nyid sku glo bur gzims nas thugs dgongs dbyings su 'pho tshad pa na nye gnas kyis bzhengs bskul drag pos slar sangs pa'i tshul mdzad pa'i re zhig gi dus kyi tshe sku gshegs pa'i mdzad sgo khong nas nye bar gnang ste shul 'dug gang dag gis thugs dam dgongs bkrol gshegs mchod byed skabs su nyin cig gtsang pa gong ma'i lha sde las mi khyim dge skor tshang zhes pa dbul bor yod pa zhig gi chung ma gtsang pa'i sku gdung la mjal phyag gi ched 'ong ba la sku gdung de nyid las 'od zer zhig lam gyis byung chung ma bud med de nyid la thim song ba'i snang ba mi mo rang la byung zhes grag skad |
gtsang pa 'gab ma sku phreng lnga pa ngag dbang 'jigs med phyogs las rnam rgyal |
5. de nas mi ring bar sku phreng lnga pa ngag dbang 'jigs med phyogs las rnam rgyal zhes pa de nyid du dge skor gyi mi khyim de'i chung ma la mngal chags te ma'i lus la rim pas nar son skabs dud tshang de'i khyim thab tu gyur pa des 'phral du thang zhig la gdan legs pa dkar yol rtags brgyad bris snyug bcas legs par rnyed pa'i legs mtshan dang bcas zla zhag rdzogs tshe chung ma de'i bu chung 'brug lo'i dgun gyi dus bltams pa'i skabs grod pu lta bu'i nang du yod cing mkha' la 'ja' zer gyi snang ba dang char bab pa sogs kyi dge ltas kyang byung zhing | de nas bu chung de chos skyong khyab 'jug gis sku bdag yang yang byed pa dang bar skabs shig tu nam mkha' nas dar dkar zhig lhung nas mi khyim de'i mda' dar ngos su bskon pa sogs legs mtshan ci rigs pa re mngon par byung ba'i sgo nas bu chung sku na bskyed de gtsang sgar 'gab mas sku bdag bcas klog yig ji bzhin bslab rjes 'dzam thang gtsang chen pho brang du rdo rje slob dpon ngag dbang bstan pa gsal byed dang | ngag dbang rdo rje bzang po zung gi mdun drung nas sku skyes de nyid kyis gong ma'i phyag srol bzhin sbyor drug gi zab chos gsan sgom yang mdzad skabs nyid la ngag dbang 'jigs med phyogs las rnam rgyal zhes pa'i mtshan gsol ba nas bzung rim pas rang sgar gtsang pa 'gab ma'i mnga' thang sku skyes gang gis ji bzhin bdag bzung mdzad nas las shugs rlung rta mdzad phyin yang che rab tsam dar bzhin da lta'i bar bzhugs pa 'di ka ltar ro | |