[A:285]
gzhan yang gtsang pa 'gab ma'i sgar du bar bar rnams su dbon rig rtsal gyi sku skyes rgya sprul dang | bla dpon 'ga' re sogs mdzad sgo skyong mkhan ci rigs byung zhing | sgar 'di la bar skabs su sngon byung gu ru'i rje 'bangs kyi grabs tshan grub dbang dran pa nam mkha' zhes bya ba'i rnam 'phrul du grags pa gtsang pa'i sku skyes gnas yul rta shul zer bar sku mtshan rtags khyad par ba dang bcas legs 'khrungs kyi sgo nas gtsang sgar 'gab mas sku bdag che 'don sogs dang bcas rim pas chos la gsan sgom khyad par bas grub rtags dus dus su ston par mdzad nus pa'i sku skyes grub rigs mchog cig tu gyur te nyin cig sprul sku khong gis ral shang sogs lcags 'ga' re bal thag ltar phyag mdud mdzad pas mtshan la'ang lcags mdud du grags shing de 'dra'i mchog sprul gang nyid rim pas gsang ba gsum gyi mdzad pa rgya je cher song gshis dus skabs shig nas khong gis sku rten thub dbang gi zab thang chen mo dang | thugs rten bdud 'dul mchod rten dang | gsung rten 'phags yul nas bka' dang bstan bcos bod gangs ri'i ljongs su 'gyur ro cog gi glegs bam yongs su rdzogs pa dngos rdzas 'byor pa gya nom pa'i yon thang chen po'i sgo nas legs blus byas te gtsang pa 'gab ma'i pho brang du spyan drangs nas bzhugs su gsol ba sogs kyi mdzad sgo che rab ngang nas sku tshe'i mdzad pa mthar phyin to | |
de nas gtsang pa lcags mdud de'i sku phreng gnyis pa ni tsha rong phyogs kyi rgyal gtsos zhes par sku 'khrungs te de la ngo mtshar rtags bcas kyis gtsang lcags mdud gyi yang sprul du grags nas gtsang sgar 'gab mas de lugs kyi sku bdag mdzad bzhin gtsang sgar de nyid du gdan 'dren gyi mthun snang mngon gsal du gyur pa sogs rtags mtshan che rab tu grags shing | de nas sku skye skabs nam mkha' nas rnga dang rol mo'i sgra ches snyan pa der gnas gang dag gi rna ba'i lam du mthun snang mngon gsal du gyur pa sogs rtags mtshan che rab tu grags shing | de nas sku skyes de nyid bstan pa'i chos sgor legs zhugs kyi sgo nas nyid kyis dam pa du ma'i zhabs rdul spyi bo'i rgyan du lhur len gyis rang lugs kyi zab chos gsan sgom cher mdzad cing sku'i spyod pa rjes sor tsam nas ha cang mi mdzes kyang rtogs mthon brtul zhugs mchog gi mdzad 'chang gang gis bar bar gzhan la me mda' sogs mtshon gyis bgegs bsal mdzad pas gzhan de dag gnod 'gal che ba las legs skyobs kyi mthu nye bar mnga' ba sogs mdzad tshul khyad 'phags de 'dra'i ngang nas khong nyid bzhugs shing | spyir gtsang lcags mdud sprul sku 'di nyid yongs kyi ngor lcags mdud yang sprul du de ltar grags kyang don la rdo bla'i dngos slob sku phyogs mkhyen sprul gyi sku sras ral gri'i yang srid du nges pas na da lta'i lcags mdud sku sprul zhes pa de grub pa'i brtul zhugs kyi spyod pa ya mtshan ngo mtshar bar bar rnams su gzhan ngor mthong chos su nye bar ston nus pa'i 'gro 'dul dus su babs pa'i zla bral zhig khong nyid yin mod kyang phyi ngor tsam na spyod tshul gtsang dag cig gi rnam pa ma yin gshis gzhan dag gis bstod smad kyi gnas sna tshogs su ci rigs par gyur