[A:287] mnal lam du mkha' 'gro ma rnga zlum thogs pa zhig gis phyag nas rnga brdungs bzhin badzra yaksha(VajrayakSa) betali'i rig sngags kyi zhal gsung sgrog pa des khong nyid byis pa'i gnas skabs de nyid la bar do rigs drug gi gnas so sor khrid cing sdug bsngal gyi tshul gsal bar gzigs skabs mkha' lam 'ja' sprin gyi dbus nas shel sbug lta bu las 'o chu'i rnam pa bdud rtsi 'bab pa mkha' 'gros brdas bskul ltar khong nas btung bas de phan thugs dag snang du rigs drug so so'i gnas thogs med du 'gro nus byung | de'i rkyen gyis snying rje shugs kyis skye zhing | sangs rgyas byang sems kyi dag snang yang mang po gzigs shing skabs 'gar mtshan mo snag rum nang la 'gro dus 'od gsal gyi snang bas mun pa med pa yang yang byung bzhin tshul de kas dgung lo bcu bdun tshun la pha ma'i zhabs phyi dgos bsgrub |
de nas dgung lo bcu dgu son skabs nyin cig 'phral rkyen phran bu la brten te 'khor ba la skyo shas gting nas thugs nyams su 'khrungs pas dge rgan bkra shis rgya mtsho'i drung nas klog bslabs pas legs nges su bzhin shes byung | 'di dus nas lkog gyur gyi don mngon sum du mkyen pa dang ngag gi bden mthus klu nad sos thub pa sogs gzhan phal las khyad par du 'phags shing | gsung rab las gnas luga sgom pa'i tshigs bcas gzigs pa'i rkyen gyis chos la don gnyer shugs bzod mi thob pa byung ba la brten dgung lo nyer gcig skabs 'dzam thang gtsang chen dkon mchog 'jigs med rnam rgyal gyi zhabs drung nas | dge bsnyen gyi sdom pa legs mnon kyis chos sgor zhugs te mtshan ngag dbang bsam gtan zhes gsol ba nas bzung tshul khrims dag cing mtshan mo nyal ba spangs nas bsad sha sogs log 'tsho nam du'ang bsrung ba yin |
de nas bzung dgung lo nyer bdun bar 'brim shar ri khrod du lha tshe bla ma ngag dbang rgyal mtshan gang drung nas kyang khrid yig mthong don steng nas sngon 'gro'i chos khrid nyams len mthar chags gnad smin gyis zhus shing | sbyor drug dngos gzhi'i khrid rnams mgyogs khrid tsam zhus bla ma'i bka' bzhin gtsang chen sprul pa'i sku 'jigs med rnam rgyal gyi zhabs pad gus bsten byas te | chos bka' blang blang dor rab gsal snang ba | lam rim sogs la slob gnyer nan tan dang | kun rig | mi 'khrugs pa | dus 'khor sogs kyi lha'i rnal 'byor sgom don rnams kyang legs par bslab | de nas gtsang chen bla ma'i zhal snga nas | dus 'khor dbang chen | de nyid lnga pa | 'jigs byed ro langs brgyas bskor | sbyong rgyud bcu gnyis sogs kyi zab dbang rgya che ba dang | 'jigs byed khrid snyan brgyud dang bcas pa | rdor shugs | dus 'khor lha dgu'i khrid sogs chos bka' ches mang po legs gsan mdzad nas dgung lo so gcig pa la 'dzam thang gtsang pa'i gzims khang pho brang du slar yang zab lam rdo rje'i rnal 'byor gyi sngon 'gro'i rim pa rnams nyams bzhes mdzad skabs sa steng me tog gis khyab cing de dag la bud ba