[A:286] na'ang khong nyid ji ltar yang thugs kyis lkog gyur du ma ji bzhin gzigs pa dang | sku lus kyis bar bar mtshar khyad nye bar ston pa legs pa'i mdzad sgo gang thad nas ches 'phags shing khong gis sku rten tshe lha rnam gsum gyi gser sku khru gang ba re re gsung rten glegs bam ci rigs thugs rten mchod rten chung ba re sogs bsod nams zhing gi bsags sgo re yang yod pa ste nyid kyi sku tshe tha ma'i mdzad pa la gnas skabs su khong sku mi g.yo skyil mo krung gis bzhugs bzhin zhal nas phaT sgra dang bcas dgongs pa dbyings su thim par mdzad de thugs 'od gsal mchog gi ngang du g.yo ba med par thugs dam la nyin zhag 'ga' zhig tu bzhugs mthar thugs dam de las grol tshe gdung las sgra chen po zhig byung ba de phyogs kyi yul mi kun gyi rna bar go nus lta bu'i ngang nas rje khong nyid lcang du can gyi zhing du phebs zhes grag skad |
de rjes su lcags mdud sku phreng gsum pa dus phyis su rnga yul rgya stod sang la 'khrungs zhes grags ste de lugs ltar gyi gtsang pa sku ngag phyi mas sku bdag che 'don re yang mdzad de sku skyes gzhon dus su chos grwar zhugs pa sogs kyis rim pas legs spyod la phyogs khul bgyis kyang dus dbang gis de mtshams nas phyi tshul tsam la bstan 'gro'i don ji bzhin 'grub pa ma byung ba deng dus su dngos gsal de ka ltar lags | de dag gis 'dzam thang gtsang pa gong 'gab bcas kyi gdan rabs sogs mdzad sgo legs skyong gi bla sprul bstan pa'i rtsa lag rags bsdus tsam gyi lo rgyus sa bon gyi char gyur pa re legs par song zin to | |
(10) skyabs rje ngag dbang bsam gtan gyi lo rgyus |
gtsang chen sprul pa'i sku dkon mchog 'jigs med rnam rgyal gang nyid kyi dngos slob skyabs rje ngag dbang bsam gtan zhabs pa'i thugs sras slob brgyud las sgrub brgyud 'dzin pa'i sde gang dag yongs spel du gyur te da lta'i bar dar zhing rgyas pa ni 'dzam thang gi deng dus kyi sgar gong ma chos rje'i mtshams grwa pa rim par byung ba rnams gtso bo ste gzhan 'dzi stod smad du'ang mtshams grwa phran bu ci rigs bar bar byung ba'ang yin la | de 'dra'i chos brgyud zab mo'i phug tu nges par gyur pa'i skabs rje 'gro 'dren nges pa don gyi rdo rje 'dzin pa mchog de nyid kyi lo rgyus mtshon tsam skabs su nye bar babas pa ste | de yang 'dzi yul gyi stod grong shos mda' zhes par yab mang dge rdo rje bra shis dang yum phur rtsa za lod mo gnyis kyi sras su chu yos lor yab yum gyi rmi ltas bzang po'i dge mtshan bcas dam pa 'di nyid kyi gzugs sku legs bltams mdzad | de nas rim par sku na phra ba'i dus nas kyang dbang po gsal zhing snying rje che ba sogs byang chub sems dpa'i khyad par can mnga' ba zhig ste | dgung lo gsum tsam na