[A:289] rtogs pa mtho dman khyad med lta bur song | sbyor drug gi khrid 'khrul 'khor bcas la dogs gcod zhib mor byas | bka' babs drug gi lam rnams la myong ba re ma thon bar legs bsgom mdzad skabs su gsung 'pho'i dus su thugs nyams la AH yig dmar po zhig mgrin pa nas 'phros te mkha' 'gro ma sku mdog sngon po can zhig spyan drangs pa'i tshul gyis skad cig la thon pa de'i zhal nas | khyod skye ba rjes mar rnga yab gling du rgyal sras kyi tshul bzung ste 'gro don mdzad dgos | zhes pa'i bka' lung yang stsal | 'di skor du lha tshe bla ma gang nyid sku zhing du gshegs pas phyag mchod gzab ldan gyi tshogs bsags che rab byas | de nas lhar yag dgon gyi bla ma kun dga' blo bzang gi mdun nas mgon po brag rdzong ma'i khrid zhus te rang gnas ri khrod du bsnyen bsgrub kyi dus su mi nag po 'jigs 'jugs can gyis hUM yig mthing nag 'od 'bar ba byin pa'i nyams snang dang | de rjes su'ang mi nag 'jigs gzugs can dngos su 'ong ste khyod kyi bka' bzhin bsgrub po zhes pa'i g.yar dam yang legs 'bul mdzad |
dgung lo bzhi bcu'i steng gtsang chen bla ma mchog gis mkhas po | dge slong chos 'phel gyis las slob | se dbon 'jam dpal bas gsang ston | dbon smin grol gyis dus bgo | ngag dbang bstan gsal nas grogs dan byas sogs mkhan slob grangs tshang gi drung nas tshigs gsum rim nod kyi bsnyen par rdzogs te mtshan ngag dbang bsam gtan snying po | zhes pa'ang byas | gzhan yang dus 'khor bskyed rim | 'byung 'dul | 'jigs byed sogs yi dam mang po'i bsnyen sgrub kyi skabs zhal gzigs kyang mang rab byung zhing khyad par tshe sgrub dus ma cig grub rgyal bud med rin chen rgyan ldan sku mdog sngon po'i rnam par byon nas phyag gis bum pa nas bdud rtsi'i dngos grub stsol skabs ma cig gi zhal nas | bum pa 'di'i kha rgyan ngos la yod pa'i tshe dpag med kyi sku'i grangs snyed khyed kyi tshe tshad do zhes bka' lung gnang bas de'i ngos la tshe dpag med kyi sku shin tu phra ba gya bdun yod phyir de lugs ltar phyis su sku tshe'i tshad kyang thog tu khel | 'di skor 'khrul zhig gi spyod pas zhal nas rdo rje'i glu sna tshogs dbyangs su 'then cing dga' ba'i gar kyang ci rigs pa mdzad pa'i grub pa'i dbang phyug gi mdzad bzang nye bar skyong bzhin bzhugs skabs mgon po'i rnam 'phrul mi nag srin po'i gzugs 'chang gis | 'di 'dra'i cha lugs can khyod kyi gdul zhing du shes dgos tshul dang kho bos sdong grogs byed nges kyi tha tshig lan gsum nyer bsgrag byas shing | lha mo rab brtan ma yang sngon 'brel zab pa'i stobs kyis rang gzugs sbrul nag dkar gyi rnam par dngos su gtor khang du 'ongs nas bka' yi bsrung ma mdzad nas dam can du bkol | khong nyid thugs mngon shes mchog gis sngon kun mkyen po'i thugs slob mthong grol mchod rten bzhengs dus su shar gyi thig 'dzin pa dang | gtsang rogs phyogs su gsar ma'i lugs 'dzin blo bzang bstan 'dzin zer ba'i dge slong zhig dang | lho phyogs mon kha'i yul