[A:290] du sngags rnying phyogs kyi chos lugs 'dzin pa gu ru bstan 'dszin zer ba dang | de nas mi ring bar tshul khrims rgya mtsho zer ba sogs sngon gnas kyi skye srid sna tshogs ji bzhin gsal bar sgrib med du gzigs | 'di skor khong la nam kha' nas gdugs dmar po 'khor ba'i rmi ltas byung ba bzhin rgyal sras gzhan phan mtha' yas phebs byung ba dang mjal phrad kyi phan tshun thugs mnyes chen po'i sgo nas sems kyi gnas lugs rtogs pa'i tshul la dogs gcod zhib tig byas pas rgyal sras nyid kyang thugs mgu chen pos ha las te ches ngo mtshar du gyur |
dgung lo nga lnga'i dus thugs dag snang ngor gtsang chen bla ma rdo rje 'chang de nyid dag pa mkha' spyod du phebs pa'i nyams snang ltar gtsang pa sku dag zhing du phebs pas phyag mchod kyi tshogs bsags rgya che ba dang bcas gsol ba drag tu btab pas rlabs chen byin rlabs kyi dge mtshan cir yang 'phel ba byung ste khong nyid de phan chad thugs dam la gtso bor mdzad cing mnyam bzhag zab mo la rtse gcig gi ngang nas 'bral med rgyun bzhugs kyang mdzad |
dgung lo nga bdun skor nas gzhan phan rlabs po che'i dbu tshugs te thog mar dar lnga'i ri khrod du sku dbon bstan nor dang | yongs 'dzin bla ma mkhas mchog | 'dzam ngos rtogs ldan bla ma 'jam dbyangs sogs la dus kyi 'khor lo'i dbang bka' zab khrid lag len bcas kyi chos sgo legs phye mdzad de gsang chen sgrub brgyud spel zhing ri khrod de'i gnas bdag dkar phyogs pas khong gi sku chos nyin cig lus song ba dngos su phul | 'di skabs slob tshogs la 'tsho ba gang yod dmigs tsam gyis sel zhing khong nyid mnyam bzhag skabs srog thur gyi rgyu ba 'gag cing 'khor lo drug 'bar 'dzag gi snang ba las dkyil 'khor rab 'byams spro bsdu byed bzhin sku dang gsung gi rnam pa cha nges med kyi spyod pa sna tshogs pa'i brtul zhugs bar 'ga' mdzad cing | bar skabs chos dbyings gnas lugs kyi dbyings su thugs ro mnyam du zhugs te phyi'i gnas tshul shi ba lta bu'i rnam 'gyur ngom pa sogs mdzad sgo dpag par dka' ba'i tshul du bzhugs shing slob bu gang dag la nyams dang 'phar g.yo'i yin lugs 'dra min gyi khyad par dang zhal ta sna tshogs pa'ang bar bar gsungs la | dgung lo drug cu skor la rgyal sras gzhan phan pa slar yang mdun du phebs te sngags kyi thun mong dang thun mong ma yin pa'i khyad par phan tshun sgo kun nas zhib rgyas su chos kyi bgro gleng byas te | khong la rkyen des gsang chen mngon rtogs myong ba yod pa gang dag la nges shes dang med pa rnams ngos zin lhag par byung zhing thugs nyams kyi rtogs pa gang dag sngar las ches cher 'phel | khong gi mdun du gzhan phan pas sbyor drug cha tshang zhus skabs don 'ga'i dgos gcod la myong ba'i sgo nas dgos sel mdzad pas rgyal sras kyi thugs la ngo mtshar lhag par skyes | 'di skor phur rtsa bla ma mthar phyin sogs la sbyor drug gi zab khrid gnang zhing dgung lo re lnga sogs su ma