[A:22]
phyis skyid phug bde ldan du phebs rnal 'byor dbang phyug birwa pa'i zhal gzigs | lam 'bras la 'khrugs sdebs kyi yig cha mdzad | gsang sngags gsar rnying sgo mtha' dag nas chos kyi sgo spel | phyogs ris med pa nas 'dus pa'i sgom chen drug brgya re rtag tu 'tshogs | nyams rtogs bzang po ma skyes pa gcig kyang med | sngags kyi gzhan stong dbu ma chen po bde stong zung 'jug gi ngo bor mngon du bya ba'i thabs mchog rnal 'byor yan lag drug la nyams len gyi mthil du mdzad | rgyud 'grel chen mo yang lan mang du gsungs | rgyud snying lo re bzhin lan gnyis gnyis gsungs | sku tshe'i smad la skyid phug bde ldan du gdan phab ste nges don sgrub brgyud kyi bstan pa'i gdan sa lo nyer gcig tsam mdzad | de nas bzung rang re'i chos brgyud la dpal jo nang pa'i mtshan chags | byang sems chen po gdan sar bskos nas zhing 'di na gdul bya med pas gzhan du 'gro zhes sku 'da' bar dgongs pa na byang sems chen po bsnyung bas zla shas shig sku tshe bsrings | yang gshegs par bzhed pa la slob ma rnams kyis gsol ba btab pas zla ba phyed bzhugs | de nas sku bsnyung ba med par dgung grangs don gcig bzhes pa ( spyi lo 1313 | rab lo 5.47 ) chu mo glang gi lor dpyid 'bring po'i nyer lnga'i tho rengs la dga' ldan du bde bar gshegs so | | 'di skabs sa skya'i gong ma rnam lnga las 'gro mgon chos rgyal 'phags pa'i sku tshe'i smad dam de rjes tsam du mngon no | |
16. de nas rim par rje kun spangs pa'i brgyud 'dzin byang sems rgyal ba ye shes ni | ( spyi lo 1257 | rab lo 4.51 ) me sbrul lor yul mdo khams su 'khrungs | chung ngu'i dus karma pa pag shi'i grwa pa yin bla ma thugs gtum pas shin tu 'jigs na'ang bla mas de ltar ma byed gsungs pas sangs te lo mang du bsten | khong la mnga' ba'i gdams ngag thams cad gsan cing bsgoms | 'on kyang nyams myong rtsal che ba tsam ma byung | de nas bla ma'i zhal nas | ri khrod nges med 'grims | chos la phyogs ris ma byed | bla ma bzang po gcig mjal bar 'dug gi gsungs pas de bzhin mdzad | shal pa 'jam dbyangs chen po'i sku gzhogs su yun ring bzhugs | mdo sngags kyi chos mang du gsan | chos rjes kun spangs chen po dang mjal nas shin tu dad pa thob | rnal 'byor yan lag drug gsan pas nyams rtogs mthar phyin | gzhung gdams ngag thams cad bum pa gang byor gnang | gnas nges med du gshegs par bzhed pa la | 'jam dbyangs chen po'i bka' ma chog ste bde chen gyi dgon pa btab | sgrub pa'i ngang nas chos kyang mang du gsungs | thugs snyng rje chen po'i rang bzhin du bzhugs pas byang sems chen po'i mtshan thogs | kun spangs chen po'i bka' gnang la brten jo nang gi gdan sar phebs | dgon gnyis kar du sgrub grwa rgya cher bskyangs | zhabs la gtugs tshad gnas lugs kyi rang zhal lta shes pa kho na byung | chos rje kun spangs pa'i gdan sar lo brgyad bzhugs nas mkhas btsun yon tan rgya mtsho la gdan sa