[A:295] pa sku na tshod bgres por song yod pa de nyid rgyal po tshe dbang drag rgyal gyi mchod gnas su phebs yod pa'i drung du sbyor zhu ru phyin pa yin la | de yang sngon rje btsun tAranAtha'i dngos slob mkhas grub blo gros rnam rgyal | de'i dngos slob grub chen ngag dbang 'phrin las | de'i dngos slob chos rje kun bzang dbang po | de'i dngos slob gong bla khong nyid yin zhing de'i mdun nas lha tshe bla mas sku na chung dus su sbyor drug legs gsan mdzad la | de'i phyis su gtsang pa kun bzang 'phrin las rnam rgyal gyi drung nas kyang zab chos 'di'i chos bka' ma lus ji bzhin mnos te sgrub pa lhur len gyis bsam sgom byas par mngon no | |
(11) 'dzam thang khang dmar rten khang gi gdan rabs rim byon |
sbyangs pa skyabs mgon kun dga' nges don zhabs pa |
1. de ltar rdo rje rnal 'byor gyi chos bka' legs mnos kyi tshul las gong bla phyogs nas sbyor drug gi brgyud rim 'ded pa'i lugs ni 'dzam thang sgar gong ma deng dus kyi chos rje'i phyogs rnams yin la | de'i tshul yang skyabs rje bla ma mchog gi thugs sras rnams las sgrub brgyud rang lugs cher spel mdzad pa ni kun dga' nges don rgya mtsho gang nyid yin pa ste | dam pa mchog de'i lo rgyus mdo tsam gyi tshul yang 'dzi yul phyogs cha 'dzam thang bsam 'grub nor bu'i gling du yab sbyangs pa dpal ldan skyabs dang yum tshes bcu'i sku sring rdo rje mtsho gnyis kyi sras su shing rta'i lor ngo mtshar ltas bcas sku 'khrungs | dam pa 'di dang po ma yum gyi lhums su bzhugs skabs mas dpal 'byor bzang pos bzhengs pa'i mchod rten la skor ba byed dus nyin zhig ma'i rmi lam du mchod rten lho sgo'i mgon po'i sku 'bag yar bzhengs nas dung dkar g.yas 'khyil zhig gnang nas | 'di khyod kyis tsha ra gyis shig ces pa'i bka' 'phros byung ba'i mnal lam shar ba dang | khong nyid ma'i lhums su gnas dus nas kyang nag po chen pos legs bdrung mdzad pa dang rang snang la stong gzugs dpag med kyi gsal snang yod cing sku bltams nas bskyed bsrings te na chung gi du su'ang stobs dang lus rtsal sogs rang dang na mnyam gzhan las 'phags shing mtshams de rjes shig nas chos rje'i dbon bstan 'dzin nor bu'i thugs dgyes pa'i rang mos kyis klog yig legs bslab skabs 'dzam thang mdun ri'i bkag shing gi gnas bdag keng chen dkar po thugs mngon shes kyis gzigs pa sogs khyad chos mnga' zhing sngar sku spyod lam rgod bag can zhig tu gda' na'ang de 'phral du kun spyod zhi dul dang ldan pas klog legs slob sogs kun nas mdzes par gyur to | |
de nas dgung lo bcu gsum la slebs dus khang dmar pho brang du dbon bsod nams chos kyi