[A:297] mthu mnga' la | de mtshams shig nas 'dzi stod 'brim shar zhes pa'i dben gnas su skyabs rje mkhar ba ngag dbang bsam gtan zhabs pa bzhugs pa'i drung du phyin te gang gi zhabs pad spyi bos gus bsten gyi sgo nas sbyor ba yan lag drug gi zab khrid zhus pa ste de yang thog mar mong gi sngon 'gros rgyud sbyangs pa nas bzung thun min dus 'khor lhan skyes dben gsum dang bcas sor sdud nyams len gyi skabs 'od gsal gyi snang ba du ba sogs mtshan rtags bzhi dang | 'bar ba sogs nyin rtags drug go rim bzhin rgyud las bshad pa ltar shar te | thig le chen po dang | sna tshogs gzugs bsnyan yang ji bzhin mthong ba sogs nang rtogs nye bar 'phel zhing | bsam gtan skabs gzugs sems dbyer med kyi yan lag lnga rim pas skyes shing snang ba'i sting tu 'od gsal bzung bas ri bo sogs kyi las snang 'gog nus pa'i stong gzugs kyi snang ba rab 'byams mched de stong pa'i gzugs sgra dri ro reg bya'i nyams myong mtha' yas pa byung zhing thig le'i dbus su nges pa gsum ldan gyi longs sku sogs kyang legs par shar ba sogs nyams rtogs ches rgyas bzhin dben gnas der sbyor ba yan lag drug ka la lo gsum dang slar sor bsam gnyis la lo gsum ste lo drug la bsgoms pas yan lag dang po gnyis rtogs pa mtshan nyid pa dang srog rtsol man chad rjes mthun tsam skyes | de skabs gtor ma brgya rtsa | gtor chog | mdo gdugs sgrol gsum | rab gnas 'gro phan rgyas byed bklag lung | mi 'khrugs pa | brag rdzong ma'i khrid sogs chos bka' mang po gsan | de nas rang gnas su mi 'khrugs pa dang | mgon po brag rdzong ma'i bsnyen sgrub mdzad skabs sku tshe'i skye ba snga phyi dran pa'i mngon shes sogs yon tan gyi sgo mang po zhig kyang 'khrungs | de nas lab skyabs mgon dbang chen dgyes rab rdo rje mgo log stod du phebs pa dang mjal ba'i ched byon te nangs par mjal rgyu'i stod thun la rang gi snying gar rta mgo ljang nag gis rta skad sgrogs pas lte ba'i a thung gi me mched pa la brten bde stong gi snang ba rgya cher byung ba'i legs mtshan dang bcas de'i nangs par rta mgrin gsang sgrub kyi dbang zhus shing rang yul du arge mchog sprul gyi drung nas rje btsun rin po che'i bka' 'bum cha tshang gi bklag lung dang | gtsang pa'i rdor slob ngag dbang chos 'phags kyi mdun nas dus 'khor dbang chen | rdor 'phreng | sbyor rgyud | naigu | phur pa rnams kyi dbang dang | dus 'khor yongs kyi khrid sogs chos bka' mang po dang | bla ma dpal chen rdo rje'i mdun nas blang dor rab gsal gyi bshad khrid rnams kyang legs gsan mdzad | 'di skor nyid kyis phyag 'tshal nyer gcig gi bstod pa thugs dam du mdzad pas nub cig rmi lam du rje btsun sgrol ma bud med kyi rnam par byon te gdams ngag gi bslab ston kyang gnang | de nas dge skor bla ma kun bzang gi drung phur khrid dpal chen thugs thig dang sbas pa mig 'byed gnyis zhus nas bsnyen tshad btang zhing de rjes rdzogs rim rdo rje'i rnal 'byor bsgoms pas spyir dam pa 'di'i dgung grangs bzhi