[A:298] bcu'i stod tsam na srog 'dzin gyi yan lag gnyis dang de phyis shig na zhal gsung las da ni dus 'khor bde gshegs snying po de stong gzugs phyag chen gyi cha nas mngon kyang mi 'gyur bde chen gyi cha nas da dung ma mjal | zhes sogs gsung zur gnang skabs tsam na rjes dran gyi rtogs pa mngon du gyur cing de nas bzung sku tshe dang 'chi ba 'od gsal gyi mtha' tshun la lam lhag ma ting nge 'dzin rdzogs par byas na chog tshul gsungs pa ltar don la dam pa 'di nyid rdo rje'i theg pa'i rnal 'byor mchog spyir na de lugs ltar legs par mnga' ba'i nges pa don gyi rdo rje 'dzin pa yin zhing | tshul de ltar gyi sgo nas 'dir gzhan don gyi 'phrin las 'jug tshul yang dam pa gang de dgung grangs sum cu so gsum rdzogs la nye ba na bla ma bsod nams kyis zhus ngor mgon po khro bcu'i rjes gnang dmigs khrid bcas gnang skabs khong gi thugs snang ngor mi nag 'jigs gzugs can gyis khyod nas de 'dra byas na bdag gis 'phrin las mi g.yel bar sgrub bo | | zhes pa'i dam bca' phul |
de nas bzung dgung lo so bzhi skor nas 'bras rab 'byams pa dge bshes blo bzang mchog grub rgya mtshos zhu ba'i ngor chen mdzad par brten dgung lo so lnga'i dus tsam na dge bshes khong dang sgrub po lnga tsam la khrid yig mthong don dang lhan thabs sbyar nas sbyor drug gi zab khrid smin byed dbang sogs cha lag yongs rdzogs gzhan chos bka' ci rigs dang bcas legs gnang mdzad de sgrub po gang dag gis pho brang khang dmar du nyams len byas shing de skabs khong gis thugs slob rnams pa rang lugs thun min ltar spros bral mi rtog pa bsgrub tshul dang gzugs sems dbyer med kyi rnal 'byor la mnyam par 'jog pa'i gnang khyad par ba phyag rdzogs kyi lta ba'i shan ma zhugs pa rtsal thon du mdzad de ngo sprod zhib rgyas su gnang |
de nas rim par sbyor drug chos tshan dgung lo so drug tu bla ma 'jam dpal rgya mtsho sogs dang | so brgyad du rong ba dpal grags sogs dang | bzhi bcu la bla ma rig rtsal sogs yin la | dgung lo zhe gcig par yar thang rgya bla ma nyams len 'dri gtugs la byon pa der bogs 'don ngo sprod sogs mdzad cing 'di lor mi pham 'phrin las rab brtan gyi mdun nas rje btsun rin po che'i bka' 'bum las byung ba'i zab dbang yongs rdzogs dang | dus 'khor dbang chen | mi 'khrugs pa | rjes gnang brgya rtsa rnams gsan |
dgung lo zhe gnyis su ri 'phongs bla ma rab gsal sogs la sbyor drug khrid cing dgung lo zhe gsum par ma yum dus las 'das pa'i gshin chog mi 'khrugs pa dang kun rig gi cho ga nyin rer tshar gcig gi sgo nas phan thogs rlabs chen mdzad skabs nyid sku grib rkyen gyis bsnyung dus rmi lam na srin mo khros pa'i 'jigs gzugs cher ngom yang thub pa'i snang brnyan legs mtshan gsal snang gi ngang du ya nga spu