[A:303] rje 'phreng ba'i dkyil 'khor zhe dbang yongs rdzogs zhag zhe lnga'i bar gnang skabs rab kha bla ma'i thugs snang du bla ma mchog nyid dkyil 'khor gang gi dbang bskur ba'i gtso bo nyid du mthong ba dang | sog po bla ma'i nyams snang ngor bla ma nyid dbang 'grim la byon tshe mi smug po stag lpags gyon pa sked la shub khra 'dogs pa can dang | mi dkar po lwa thod can gnyis sku rjes su rgyun du 'gro bar mthong la | gzhan 'ga' zhig gi ngor yang thog mar chos dung 'bud pa na phyogs kun nas dbang nyan du 'gro ran zer ba'i sgra chen po bcas mi snang ba'i 'khor rgya chen po 'du bar mthong ba sogs byung zhing | chos dbyings gsung dbang gi dus su bum chu bum pa gang gis dbang nyan pa re re bzhin 'go dang lag pa gnyis kar mchu nas thon tshad re blugs pa'i sgo nas der dbang nyan gyi 'dus sde yongs su rdzogs pa la 'grim yang da dung ma zad do | |
dgung lo re bzhir sbyor drug pa khang dmar du mkhyen rtogs dang | tshes bcu stod du arge'i yang sprul bstan pa'i sgron me sogs dang | 'dir khong nas 'dzong bo bla ma mtshan bzang sogs 'dus pa sum brgya tsam la rin 'byung cha tshang gsungs shing | bum chu 'grub pa sogs kyi rtags byung | grub chen mkhan po skom me la dus 'khor mchog dbang bskur |
dgung lo re lnga par sbyor drug dbang chen stod pa'i bla ma bstan rgyas sogs yin zhing | lo re drug tu sbyor drug pa don dam sogs te lo de'i zla ba gsum par dam pa nyid kyis bde mchog nag po'i dbang khrid zhib rgyas su gnang nas bde mchog gi sgrub mchod yang btsugs | dgung lo re bdun par sbyor drug pa bla ma lung rtogs sogs dang lo der khong nyid kyi thugs snang ngor tshe dpag med kyi sku dang tshe bsnyen gyi sgra mthong thos kyi gzigs snang byung zhing de mtshams zhabs brtan legs sgrub kyis rang snang la dus 'khor gyi dkyil 'khor gshegs la khyad pa bla ma gong ma dag gis brtan bzhugs mdzad pa'i legs snang gi dge mtshan bcas kyis khong gis sku tshe slar bsring gi mdzad sgo gnang |
dgung lo re brgyad dang re dgung gnyis la rim par sbyor drug pa chos rje'i mchog sprul 'jigs med bstan pa'i nyi ma sogs dang | dbon chos grags sogs lo snga phyi yin la | dgung lo bdun cu'i dus sbyor drug pa bla ma chos lhun sogs dang | de skor zhig tu khong nyid sgrub grwar phebs nas ra 'khyams na gung tsigs bzhes skabs me tog tsam pa ka lta bu mdog dmar ser gyi char dang dri bzang gis khyab pa der gnas kun gyi mthun snang du gyur to | |
dgung lo don gcig don gnyis dag las lo snga mar sbyor drug pa ra 'ob tshul ldan sogs dang bla ma don 'grub sogs la byang sems kyi sdom pa gnang zhing | khong gis snga mo nas gzab dgos tshul gyi rim gro ji bzhin gsung ba legs grub kyi mthar chu log 'phral du byung yang sgrub grwar ma 'tshe ba dang | de'i