[A:304] lo phyi mar sbyor drug pa kun dga' rang grol sogs dang nyi cig tu khong nyid ne'u gseng du skyo bsang byed skabs | zhal nas | nye gnas lha ldan la gdung khang brtsig tshul zhugs la bzhu tshul sogs bslabs nas nam zhig mkho gsungs | de nas lo de'i zla ba bzhi pa'i nang tsam na nye gnas gnyis la sang phod bgrang bya don gsum du skyes chen 'degs nas gzhan du 'gro ran tshul dang | rtsa ba'i bla ma zhabs drung dang | jo bo rje | zhabs dkar ba sogs kyang lo tshad der sku gshegs pa yin tshul dang | khong nyid kyang lo tshad de'i steng du 'byon tshul | spyir na 'dus byas mi rtag pa'i yin lugs sogs kyis bka' chems gsal bo gsung tshe | slob tshogs kyis bzhugs zhus phul yang ma gnang la | khong nyid sgrub khang dang rang gnas su phebs te rten rnams la brtan bzhugs dang phyag mchod legs 'bul mdzad | spyir dam pa gang nyid don gyi yin lugs su rje jo nang pa chen po'i rnam par 'phrul ba ltar na 'phags pa 'jig rten dbang phyug dang rnam dbyer med pas sngon gyi dus nas mngon par byang chub zin kyang rnam pa deng dus kyi gnas tshul tsam la slob lam gsang chen mngon rtogs nyer bgrod ltar na'ang gong smos bzhin spyir na 'khor lo gsum dang khyad par thun mong skyes bu gsum gyi lam nyams len khyad par ba legs par mnga' zhing sgos su rnal 'byor yan lag drug ka sku tshe 'dir rim par mngon pa'i dus su nges don jo nang pa'i rang lugs thun min ltar kun rdzob kyi rnam pa mtha' dag gdod nas stong pa'i gzhi la 'od gsal zung 'jug lhan skyes kyi dang po'i sangs rgyas rtag pa'i sku rnam pa thams cad pa rim mngon gyi lta ba thugs nyams su myong stobs kyis bdag gir bzhes te 'od gsal dbyings nas sgyu ma'i sku stong gzugs kyi rnam pa bzhengs tshul yang rgyud kyi rgyal po las ji skad gsungs pa ltar sbas rgyud gzhan dang mi mthun pa'i yin lugs bcas myong bas gnad du khel ba sogs sgo gang thad nas rang lugs kyi rdo rje 'dzin pa ches mchog gi rnam pa nyid du legs par bzhugs pa zhig ste | de lta bu'i 'dren pa gang de'i mdzad pa tha ma'i tshul nyid dgung grangs don gsum gyi dus su sbyor drug chos tshan pa kun dga' brtse ldan sogs te rang 'tshams kyi chos khrid gnang bzhin pa'i dus na phyag rdzas gtsang dag gi rnam dkar la btab nas slob bu spyi la zhal chems sna tshogs dang nye gnas gnyis la sgos su thun min gyi yon tan ches mang po'i gsang gtam dang | rje sgrol mgon dang khong bar la brgyud pa nye tshul dgongs rdzogs ji ltar bya ba'i tshul sa dmar bla ma lung rtogs la rang lugs chos skad lta ba skyong dgos tshul dngos rdzas 'bul bcas sogs zhib rgyas su legs gnang gi rjes nas khong gis nyid kyi rgyal tshab dbon 'gyur med dang kun dga' dpal 'phel zung bsko bzhag byas nas lo de'i zla ba bdun pa'i nyi shu brgyad kyi nub gzugs sku chos dbyings su legs bsdu byas te thugs dam la zla ba brgyad pa'i tshes bcu gsum bar bzhugs nas sa g.yo ba dang sgra chen po'i ltas bcas dkar dmar ji bzhin legs 'bab kyis thugs dam grol nas