[A:310] chung ngu'i dus nas grwa chung chos la zhugs shing dam pa'i ngang tshul can skyabs mgon sbyangs pa rdo rje 'chang gi drug nas sbyor drug cha tshang gi dbang lung zab khrid nyid kyis legs nod bcas gong ma'i phyag bzhes bzhin nyams len gnad smin kyang mdzad | de rjes skabs ci rigs par nyid kyis bskyed rim sna tshogs pa'i bsnyen sgrub tshad ldan re dang | dge bshes mchog gi mdun nas mdo sngags kyi bzhung lugs du ma'i rnam bshad la thos bsam gyis bslab sbyang gis mkhas gnas thob cing | de mtshams shig nas sbyangs pa rin po che dang dge bshes mchog rnam gnyis kyis bka' bkod la brten nas dam pa 'di nyid khang dmar rten khang du rdo rje slob dpon mchog gi go gnas su bzhugs nas dam pa gang gis chos khrid gsal gdab kyi tshul du slob tshogs chos tshan snga phyi mang tsam zhig lo bcu lhag la bskyangs nas zab chos kyis bstan 'gro la phan pa bgyis shing | dam pa 'di nyid kyis brtsams chos kyang | rdo rje 'jigs byed kyi sngags gsum po'i rnam bshad | 'byung 'dul gyi brgyud 'debs | 'dzi nyin tshogs la nyer mkho rtse zhwa'i rnam bshad dang | tshogs kyi sgrig khrims sogs rtsom pa'ang 'ga' re mdzad pa sogs kyi byas rjes yod | de 'dra'i don gnyis bzang rab kyi bshes gnyen mchog cig yin mod kyang | nyid kyi mdzad sgo yun ring ma byung bar de 'phral glo bur du rims yams kyis sku ma 'tsho zhing gshegs pa'i rkyen gyis gdung mchod sogs kyi bgyi ba cher ma byung ngo | | spyir skyabs mgon nyid kyi 'phros nas gdan rabs dang po dge bshes gnyis pa 'gam nang bla ma gsum pa to tsha bla ma gsum gyi sku ring du klad sbyangs pa rdo rje 'chang khong nyid kyis chos khrid legs gnang gi mdzad sgos brtse gzigs rgyun ma chad bzhin bzhugs pa yin la |
bla ma kun dga' dpal 'phel rgya mtsho |
4. sbyangs pa skyabs mgon sku bzhugs dus nas khang dmar gyi rdo rje slob dpon sku gshegs rkyen sbyangs pa khong gis rten khang de nyid du dbon bsod nams bstan 'dzin rdor slob tu zhal bkod mdzad kyang dbon nyid srid dbang la thugs khur che bas de lugs kyi stabs ma 'grig pas to tsha bla ma kun dga' dpal 'phel rgya mtsho gang nyid khang dmar gdan rabs rdo rje slob dpon mchog tu bsko bzhag gis bstan 'gro la legs phan dus su byung ba ste | de yang dam pa gang de'i sku rus to tsha yin zhing na chung dus nas klog sogs legs bslab kyis dam pa'i spyod la gnas shing de mtshams shig nas rang khyim 'brog sde dang nye bar dam pa nyid kyis yi dam bskyed rim gyi rigs mang tsam la bsnyen sgrub mdzad pas grub 'bras kyi rtags mtshan bzang ba dang | khyad par rdo rje 'jigs byed kyi lha'i gsal snang che rab mnga' la | skabs ci rigs su sbyangs pa rdo rje 'chang gi drung nas sbyor ba yan lag drug gi dbang lung zab khrid yongs su rdzogs pa nyid kyis legs gsan bcas gong ma'i phyag srol ltar nyams bzhes mdzad skabs nang rtogs kyi yon tan mchog tu gyur cing khyad par sku tshe'i mtha' tshun pa rdzogs rim gyi yan lag