[A:311] dang po sor sdud ji bzhin mthar phyin pa tsam du lam mngon par rtogs pa'i rim pa thugs nyams su 'khrungs la | de 'dra'i tshul gyis ring zhig tu sgrub tshugs bzung nas rang don mchog tu legs sgrub la nan tan rgya cher mdzad ngos nas rim pas gzhan don bya ba'i 'phrin las kyi skabs su nye bar babs pa na sbyangs pa rdo rje 'chang gis bka' bkod kyi mdzad sgo'i ngang nas dam pa 'di nyid khang dmar rten khang du rdo rje slob dpon chen po nyid du mnga' gsol ba nas bzung rim par lo bstar bzhin klad skyabs mgon mchog gis byin rlabs kyi sgo tsam phyes rjes su dam pa 'di nyid kyis slob tshogs chos tsan so so dang glo bur du lhags pa rnams la gang la gang dgos kyi chos bka' thams cad legs mdzad kyis sbyor drug rtsa ba'i zab khrid gtso bo dang | gzhan slob tshogs rang rang gi khams dbang dang bstun pa'i bskyed rim 'byung 'dul | rta mgrin skye sgang lugs | phur pa sa lugs | 'jigs byed 'bru non | snyan brgyud | sgrol dkar | mgon po brag rdzong ma'i dmigs khrid sogs dbang lung khrid gsum lo bstar bzhin gang dgos dag gis re 'dod ji bzhin skong ba'i sgo nas bzhugs la | 'di skor gong 'og ci rigs par gtsang pa'i grwa tshang gi 'du khang du thub bstan dge legs rgya mtsho phebs nas rje gang nyid kyis mdzad pa'i sbyor drug spyi don sogs kyi bshad khrid gnang skabs dam pa 'di nyid der chos nyan du byon te gus pas legs gsan gyis khong nyid kyi nyams rtogs la sngar las bogs bskyed che ba byung zhing | de mtshams snga phyi gang rung me rta'i lor skyabs mgon sbyangs pa thugs dgongs dbyings su nye bar zum pa nas bzung de phan lo lnga lhag gi ring la rje dam pa 'di nyid kyis sgos su thugs khur bzhes te sngar srol ji bzhin du chos grwa legs par bskyangs shing | bar skabs su rje bla ma dam pa 'di nyid kyis khang dmar du 'dus pa bdun cu lhag la dus 'khor dbang mo che sta gon nas bdag chen gyi bar yongs su rdzogs pa bka' drin du mdzad pa dang | yang skabs shig tu dam pa nyid kyis khong nag bla ma mchog sgrub sogs 'dus pa mang tsam la rdo rje phur pa sa lugs kyi stod las dang smad las kyi dbang bka' cha tshang dkar bdud phur bsrung gi rjes gnang bcas legs par gsungs pa sogs de 'dra snga phyi kun tu chos bka' mang po yang mdzad |
yang bar skabs la dam pa khong nyid chos rje'i sgar gyi sku rim du sgrub dpon la phebs pa dang | bar bar chos rje'i grwa tshang gi 'du khang du khong nyid dus 'khor dang | bde mchog sgrub mchod ci rigs re lo dus bzhin tshogs pa'i khrid 'dzin la'ang phebs shing | mtshams re la bsnyung gans kyi dbu blar khong gi mdzad nas gzhan mang po dge bskul byas pa sogs rnam par dkar ba'i mdzad sgo che tsam bdog la | sa bya'i lor khong dpon slob brgyad dgu tsam glang po che'i ri khrod du byon nas rje dbon 'gyur med rgya mtsho'i sku drung du | khong rnams kyis byams chos sde lnga dang | mngon mdzod rtsa ba sogs kyi bklag lung yang