[A:312] gsan | lo de'i ston dgun mtshams su chos rje'i khang gsar du grwa mang gis phur pa'i sgrub chen zhag bdun gyi ring du 'tshogs skabs kyi dbu bzhugs rje dam pa 'di nyid kyis mdzad pa'i tshe nyin tha ma'i bsgral las kyi dus tsam na sgrub po gang dag gi mthong snang mnyam por snang ba skyi g.ya' zhing 'jigs zil bzod dka' ba'i rtags mtshan mngon gyur pa dus su byung tshe der bzhugs sku dbon rin chen dpal sogs che bgres 'ga' gis rje dam pa'i mthu nus yon tan la thugs lhag par ches shing de lugs ltar ngag sgros nas | skyes bu dam pa 'di lta bu rang cag gi bsod nams kyi zhing du yun ring bzhugs par dka' bas sku tshe zhabs pad brtan ched rim gro nges par dgos tshul gyi bka' gros gsung gleng byung ba ltar lo der de lugs kyang legs par grub la | sa bya'i lo 'di'i dgun khrid du grwa gsar sngon 'gro ba khya yi bla ma dkon gsal | mkhyen dpa' sogs dgu tsam yod cing | de'i phyi lo lcags khyi'i lor grwa gsar byed pa'i sbyor drug pa bla ma legs byams | blos bzang | don rig sogs bcu gnyis tsam dang | de lor dam pa gang gis mtshams grwa ba slob bu yongs la 'jigs byed ro langs brgyad skor gyi dbang lung man ngag yongs su rdzogs pa legs gnang mdzad cing de min snga phyir chos bka' ci dgos kyis kyang legs par bskyang |
de'i yang phyi lo lcags phag gi lo la lo de'i zla ba gnyis pa'i mgo tsam na rje bla ma dam pa gang gis slob tshogs las sbyor drug dngos gzhi ba 'khrul 'khor gong 'gab dag la rang 'tshams dus su babs pa'i zab khrid ci dgos rnams dang | de lo'i grwa gsar byed pa'i sngon 'gro ba gang dag la dam po'i mun khrid legs 'debs dang de la mkho ba'i mchog dbang dang | lus phud 'bul ba'i byin rlabs sogs cha lag gang dgos legs grub kyi mdzad sgo dang bcas rjes tsam na lo der sbyangs pa rin po che'i sku tsha sbyangs mkhyen zhes pas 'phral du grwa log byas rkyen gyis rje dam pa khong la glo bur du sku bsnyun byung zhing | de lo rim gro zhabs brtan kyang 'dus sde yongs nas rgya che tsam byas na'ang re zhig gdul bya rdzogs tshul gyis phan pa ma byung skabs | rje khong gi zhal nas | sku dbon chos grags sogs la 'das ma 'ongs pa las brtsams pa'i zhal chems sna tshogs dang | khyad par sbyangs pa 'gab ma'i dbon bla ma phun tshogs rgya mtsho rang gi rgyal tshab tu bsko bzhag gi bka' lung zhib rgyas bcas khong nyid kyis khrid yig mthong ba don ldan rdor dril dar bcas kyis kyang gnang sbyin legs mdzad kyi sgo nas tshul de ka'i ngang re zhig gi tshe lo de'i sa ga zla ba'i tshes bco lnga'i nyin nyid sku zhi bar gzims nas dgongs pa chos dbyings ro mnyam gyi thugs dam tshes de'i bco brgyad bar legs bzhugs mthar thugs dam grol skabs dkar cha steng dang dmar cha 'og nas ji bzhin 'bab pa'i rtags mtshan kyang dge ba byung zhing | de nas slob tshogs kyis gshegs mchod gdung bzhu sogs sngon srol ji bzhin nyer bsgrub kyi dus su gdung la zhugs