[A:316] pa dag la khong nyid kyis dbu bzhugs mdzad cing lo dus kyi dbyar gnas kyi mkhan po yang lan mang du mdzad | yang skabs shig tu 'dzi rong phyogs kyi bla ma rnam gnyis kyis zhus ngor rje dam pa khong gis mkhan po dang phyis su gtsang pa'i gzims khang gi rdor slob mdzad mkhan bla ma rdor bzang gis las kyi slob dpon mdzad pa'i sgo nas | 'dzi rong bla ma zung dang | bla ma bstan dar | gsang sngags sogs 'dus pa dgu tsam la rab byung dge tshul sngon du 'gro ba'i bsnyen rdzogs kyi sdom pa cha tshang legs par gnang |
dgung lo drug cu me glang gi lor gi ma yum dus las 'das pa'i dgongs rdzogs rnam par dkar ba'i bsags sgo yang nyid bya bral 'dod chung chog shes kho nas sku tshe gang bor bzhugs stabs phyag rdzas cher med kyang yod tshod la ltos nas bgyi ba che rab kyang nyid nas mdzad pa yin la | dgung lo re gcig sa stag lor khong nyid skyabs mgon sbyangs pa'i gdan sa sribs lung ri khrod du phebs nas gnas der lo gcig gi ring nyid kyis thugs dam pa rtse gcig tu nang yang dag 'jog kho na la sgrub pa lhur len mdzad kyin bzhugs | de ltar dam pa 'dis sku tshe gang bor mnyam bzhag thugs dam gtsor mdzad kyi ngang 'jig rten chos brgyad mgo snyoms su btang nas ma chags 'phags rigs bzhi'i mdzad sgo nges par bskyangs mthar nyid dgung grangs re gsum lcags 'brug gi lo smad tsam na zhabs rkang cung tsam bsnyung ba'i mgo brtsams 'di skabs shig nas khong gi zhal gsung nas | ma 'das mchog sprul sogs la da skabs su ni nga la 'bod pa thon pas 'gro nges yin tshul yang yang gsungs shing | 'di phyir phan pa'i zhal ta sna tshogs pa re mdzad kyin 'dug la de nas slob tshogs kyis zhabs brtan legs sgrub re'ang bgyis mod kyang gdul bya re zhig rdzogs pa'i tshul gyis dgung lo re bzhi lcags sbrul lo'i dbo zla'i tshes bcu gnyis kyi nyin sku zhi bar gshegs te tshes de'i bcu bzhi'i nyin thugs dam legs bkrol gyis gdung chos gshegs mchod gzab ldan gang gi thugs sras mchog gyur sbyangs pa ma 'das sprul sku dang tshes bcu'i mchog sprul zung sogs slob tshogs yongs kyis bgyis shing de lugs bzhin gyi gdung bzhu rjes bsgrub dgongs rdzogs ci rigs dang rjes sor slob 'gas gdung rten gser dngul las bskrun pa khru tshad gsum pa legs bzhengs nang du ring bsrel rnam bzhis gtams shing rab gnas dga' ston gyis mtha' rgyas ji bzhin yongs su grub pa'o | |
kun dga' bsod nams mgon po |
6. gdan rabs de 'dra drug pa ni | kun dga' bsod nams mgon po'i mtshan gzhan bsod nams rgyal mtshan zhes bya ba ste | de yang dpal gyi 'dzam thang gi nye 'dabs der rab byung bco lnga pa la lo bcu dgu song ba'i me pho khyi'i lor yab dgra bla rab brtan dang yum shog khang sgrol ma gnyis kyi sras su