[A:317] dge mtshan gyi ltas bcas sku 'khrungs | de nas sku na rim bskyed kyi dus skabs byis pa chung ngu'i dus shig na nyin cig skyabs mgon sbyangs pa rin po che'i sku drung du byis pa de nyid phyin pa'i tshe skyabs mgon mchog gi zhal snga nas | khyod ma 'ongs pa na chos 'chad pa'i rdo rje slob dpon du 'gyur tshul gyi bka' lung bcas kyis byis pa de nyid stan bting ba'i steng du bzhag ste de'i mdun du zhal zas legs bsgrig gi dga' ston mdzad par grags la | de nas dgung lo drug bdun tsam nas slob dpon gang rnyed dag gi drung du byis pa des klog yig legs bslab kyis klog 'don rtser son gyi mkhas par gyur cing | dgung lo bcu gnyis pa me bya'i lo 'di nas rdo rje 'chang kun dga' nges don dpal bzang po'i mdun du byis pa des gus pa'i sgo nas rje rdo rje 'chang de nyid spyi bo'i gtsug gis mngon par bkur bzhin rtsa ba'i bla ma gcig chog tu bsten te zab lam sbyor ba yan lag drug gi sngon 'gro nas bzung rim pas legs nod kyis nyams len skabs khang dmar du to tsha bla ma mchog gi sku g.yog nyid kyis mdzad bzhin chos kyi mched mkhyen rtogs | ngag bstan | mchog smon sogs dang bcas byis pa slob bu des chos nyan sems sgom pa la na mnyam gzhan las ches 'bad pa mchog tu gyur pa zhig ste | de 'dra'i sbyor drug sngon 'gro nas dngos gzhi'i bar rim pas bla ma rdo rje 'chang gi zhal snga nas rang gis nod bzhin nyams su len pa'i dus na bla ma mchog gis slob bu byis pa de nyid kyi mtshan la kun dga' bsod nams mgon po zhes gsol ba yin zhing de yang ma 'ongs pa na slob bu de nyid chos kyi slob dpon du gyur te rnam par dkar ba'i bsod nams kyi mdzad sgo che bas bstan 'gro la phan pa legs spel gyi 'gro mgon mchog cig tu nges par 'gyur ba la dgongs nas bla mas gsol ba'i mtshan de dgongs pa don dang ldan pa zhig tu mngon la | de ltar khang dmar du slob bu dam pa 'di nyid kyis sbyor drug gong ma'i phyag bzhes ltar lo gsum du nyams bzhes kyi grub 'bras yang sngon 'gro dngos gzhi'i lam gang thad du deng dus la ltos nas nyams myong rjes mthun pa'i rim pa bzang rab tu 'dug chog cing | spyir yang deng dus su byon pa'i so skyes pa las 'das pa'i slob bu gang dag gi rnam par 'phrul pa yod do cog gi thugs gting ni dpag mi nus pas de dag gi yon tan nyams myong gi sgo phyi ngo'i tshul bstan tsam gyi cha shin tu phra ba re ma gtogs phal cher yang rtogs dka'i tshul gab pa'i rang bzhin kho na dang | so skyes las dang po ba dag gi sems kyi myong rtags gang yod dag ni rang las gong ma rnams kyis rtogs sla zhing rang dang na mnyam dag gis kyang ji bzhin rtogs chog cing | de lugs ltar na so 'phags gang dag gi mngon par rtogs pa'i cha phyogs re mtshungs tsam re gda' na'ang don la mtho dman gnam sa bzhin gyi khyad par yod la | spyir don gyi gnas tshod du 'og ma'i rtogs pa gong mar 'gran na'ang cha tsam bskrun nus pa'i go skabs med mod | 'on kyang rang re'i byin rlabs don brgyud kyi bla ma dam pa rim par byung ba rnams don dngos gnas ji