[A:319] mkha' sgo 'byed sogs chos ches mang zhig kyang gsan | de mtshams ci rigs shig nas dam pa nyid kyis chos rje'i grwa tshang gi byang 'dren pa'i las khur mdzad dgos byung ba'i de la nyer mkho'i cho gang dag gi phyag len dbyangs 'don lta phyag rgya sogs 'don cha'i rigs la gang mkho dag sman pa bla ma rin chen bzang sogs kyi drung nas legs par bslab pa'i ji bzhin la mkhas gnas thob ste khong nyid chos rje'i grwa tshang spyi'i dbu mdzad du lo gsum sogs la bzhugs dgos byung | |
dgung lo nyer lnga lcags khyi lo'i dgun smad du dam pa 'dis glang po che'i ri khrod du dbon 'gyur med rgya mtsho'i sku drung nas | khrid yig mthong don gyi lhan thabs 'od brgya 'bar ba dang | rdo rje'i rnal 'byor gyi rnam bshad chen mo zung 'jug rab gsal gyi bshad khrid zhib rgyas sogs chos bka' du ma zhig gsan |
dgung lo nyer drug lcags phag lor nyid kyis to tsha bla ma dag zhing du phebs pa'i dgongs mchod tshogs bsags gzab ldan dang | lo de'i ston khar rje dbon mchog gi drung nas | rdo rje 'phreng ba'i dbang bskur cha tshang gsan par mdzad pa sogs dam pa nyid kyis snga phyi rigs par dbon de nyid kyi mdun nas | rgyud sde rab 'byams yongs rdzogs | naigu bka' phyi nang | rje gnang brgya rtsa sogs chos bka' ches mang po legs par zhus la |
dgung lo nyer dgu shing stag lor skyabs mgon sbyangs pa'i gdung mchod de yan chad dus 'khor mchod sgrub yin na 'di lo nas rje dbon rin po che byon nas khong gis stabs bde'i ched 'jigs byed ro langs brgyad skor gyi sgrub mchod du mdzad skabs dam pa 'dis cho ga de nyid kyi phyag len dbyangs lta ja tshad sogs bgyi ba gang dgos thams cad mdzad nas mchod sgrub chos 'tshogs de'i srol bzang po legs nges kyi rgyun btod de phyag bzhes yang dag gi sngar dpe 'dzugs bskrun nye bar mdzad pa dang | 'di skor gong 'og ci rigs su 'dzam thang du bstan pa'i rtsa lag che ba sde snod 'dzin pa chen po ngag dbang tshogs gnyis rgya mtsho gang nyid bzhugs te | rje smra ba'i bshes gnyen zla dang bral ba gang gis slob tshogs la mdo sngags kyi gzhung lugs ches mang po'i chos bka' nye bar stsal ba'i skabs su'ang | dam pa 'di nyid kyis kyang skyes chen mchog de'i drung du | gzhung lugs mang po spyi dang khyad par dus 'khor Tika chen mkhas grub dge legs dpal gyis mdzad pa'i yig cha'i steng nas bshad khrid rgyas pa der thos bsam gyis bslab sbyang che rab la nan tan mdzad | 'di skor zhig tu rje bla ma ngag dbang tshogs gnyis rgya mtsho gang nyid la dam pa 'dis sbyangs pa rin po che'i rnam thar chen mo rtsom bskul gyi ched gnyer phug ma sgo kun nas mdzad pa yin la | 'di skabs gang rung zhig la 'dzi sribs dgon du skyabs rje zla ba grags pa bzhugs pa'i mdun du | dam pa 'dis dus 'khor 'grel chen chos rje phyogs rgyal ba'i mchan