[A:320] bu can de'i bshad lung yang legs par gsan zhing | dgung lo so bzhi sa lug lo'i dpyid ka la 'dzi smad na mda' phyogs dang nye ba'i rta mdor brag dkar sprul pa'i sku blo bzang dpal ldan bstan 'dzin snyan grags zhabs pas chibs kha phyogs nas nye bar bskyod de chags phebs pa gang nyid kyi zhal snga nas | gsung dbyangs drug 'gyur gyi gdangs zab mos rgyal ba'i bka' gangs ljongs su 'gyur ro cog gi bklag pa'i lung ches sngon bsags bsod nams kyi bsags sgo khyad par ba med par nam yang thos pa'i skal ba shin tu dka' ba'i gnas dam pa'i chos legs tshogs mtha' dag gi 'byung sgo 'gro ba'i nyes chen gyi nad kun sel ba'i thabs mchog gi sman gcig pu bsod nams kyi skal ba dus su thob pa'i chos gral du dam pa 'di yang byon te zab mo rgya che ba'i chos bka' gus pas sgra 'dzin lam du nye bar spyod skal gyi rdzogs ldan dam chos kyi dpal la rol par gyur cing | de'i ston khar rje dbon dam pa'i drung nas kyang | dam pa nyid la sgrub thabs rin 'byung cha tshang gi dbang bka' rnams dang | dus 'khor dbang chen sta gon nas bdag chen bar dang | dgongs gter sgrol ma dmar mo'i zab dbang rnams kyang legs par thob | dus skabs snga phyi ci rigs la 'dzi stod dar lnga'i ri khrod du rje kun dga' ngag gi dbang po bzhugs pa'i drung nas | dam pa rang gis dus 'khor 'grel chen phyogs mchan can gyi snying po'i go don zab mo'i gnad mtha' dag la zhib tig gis dogs gcod yang dag byas nas zab don gyi tshul la thugs nges che tsam yang 'khrungs par byas |
dgung lo so drug par lcags bya'i lo'i nag zla'i nyer bdun la rje dbon dam pa gang gi dgongs pa dbyings su thim pa'i dgongs mchod du dam pa 'di sogs 'dus pa mang pos nyin mo cho ga dang mtshan mo bla mchod smon lam sna tshogs pa dang bcas bar 'gar dam pa 'di nyid gtso bor gyur pa'i 'dus pa du mas mtshan mo kha tshang bar thog thag tu bde mchog nag po'i zhabs lugs kyi sgrub dkyil la brten nas sku gdung mchog gi mdun de nyid las bdag 'jug legs par blangs pa sogs dam pa nyid kyis gang thad nas mos gus rtsol ba cher mdzad cing | 'di skabs gshegs mchod kyi dus shig na bla ma dam pa lung rig rgya mtsho'i mdun nas | dza 'go'i dge bshes rin po ches mdzad pa'i dus 'khor lha dgu'i khrid yig gi steng nas lung khrid kyang dam pa nyid nas gsan |
dgung lo so brgyad chu phag lor ngag dbang tshogs gnyis rgya mtsho 'dam thang du bzhugs pa'i drung nas | dam pa khong nyid kyis nya dbon pas mdzad pa'i bstan pa spyi 'grel gyi Ti ka la slob gnyer kyang mdzad | dgung lo so dgu shing byi'i lor khong nyid pha ri'i sgrub grwar lo gcig tu bzhugs nas nyid kyis rdo rje'i rnal 'byor bsgom pa la 'bad par byas shing | de skabs su khong dag gis rkyen sbyar nas rje btsun sgrol ma'i gser sku brkyang khru'i tshad lugs mar bzhengs te zung 'jug rab gnas bcas kyis sgrub khang