[A:321] der bzhugs su gsol |
dgung lo bzhi bcu shing glang po'i ri khrod du khong nyid rdo rje phur pa'i bsnyen mtshams tshad ldan la bzhugs shing lo de'i dbyar smad du sbyangs pa ma 'das mchog sprul gyis rgyud sde'i dbang bskur gang gnang thams cad kyang dam pa nuid kyis gsan la de'i dgun smad du chos rje'i sgar khog gi sku rim sgrub dpon du khong nyid phebs dgos byung bas de lo sku rim gyi rwa zor legs pa sogs kyis mtshan ma'ang mi dman pa byung | de phan bar bar gyi lo rnams su khong gis sgrub bla snga phyi du ma zhig mdzad dgos pa'ang yin la | dgung lo zhe gcig me stag gi lor nyid kyis ri khrod sogs su mtshams sgrub re la gzhol bzhin legs par bzhugs so | |
dgung lo zhe gnyis pa'i dus rab byung bcu drug pa'i thog ma me yos kyi gnam lo gsar pa shar zhing | byang shambhalar chos kyi rgyal po rigs ldan ma 'gags pa gang nyid kyis zhabs zung 'jig med rdo rje'i khri la mngon par 'khod pa dang chabs cig par nges don sgrub brgyud kyi chos sde dpal gyi 'dzam thang bsam 'grub nor bu'i gling gi chos rje'i rten khang chen mor lo de'i zla ba gsum pa nag zla'i nya la klad chos rje'i sku phyogs chen po'i bka' lung gis thog mar pha ri'i sgrub khang gi sgrol ma'i chos 'tshogs khar lha rdzas skyes gnang bcas bka' bkod la brten dam pa kun dga' bsod nams mgon po gang nyid gsang chen theg pa'i rdo rje slob dpon mchog tu bsko bzhag mdzad nas rdo rje slob dpon gong ma'i rgyal tshab dam par mnga' gsol zhing rten 'brel legs sgo phun sum tshogs pa'i ngang nas chos kyi slob dpon rdo rje 'dzin pa nyid du nges par gyur ste | de dus su rje slob dpon mchog de nyid kyis slob tshogs gang dag rjes su thog mar bzung ba'i dbu tshugs pa nas rje gang nyid kyis slob ma rnams la chos bka' ji ltar gnang ba'i rim pa'ang | dam pa gang nyid rdor slob tu bzhugs phan chad nas bla ma gang nyid kyis lo bstar bzhin slob tshogs gang yod dag la thog mar skyabs sems rags rim gyi khrid dmigs go don blor bzung du bcug cig | de rjes su khong gis rdor sems skabs sngon gyi phyag bzhes bzhin slob bu bla med kyi dbang thob ma myong ba su yod la bla med kyi rgyud sde gang yang rung ba'i dbang bskur re mdzad srol yod cing | de nas blo ldog rnam bzhi | rdor sems sgom dmigs | gnyen po stobs bzhi rnams dang | maNDala gyi skabs 'jig rten khams kyi rnam bzhag | tshogs bsags pa'i phan yon rnams dang | bla rnam skabs bla slob kyi mtshan nyid | bsten tshul | phan yon sogs dang | lhan skyes skabs de'i rjes gnang dmigs khrid zhib rgyas bcas dang | de nas mchog dbang khyad par can | gter dbang | byin rlabs lus phud 'bul ba rnams dang | de nas dben gsum skabs sems bzhag thabs sna tshogs dang | sor sdud skabs dmigs pa | spogs chog bogs 'don | bsam gtan skabs