[A:331] 'dzam t6hang du tshur slebs nas rim pas bskyed bsrings pas nar son zhing | dgung lo bzhi lnga tsam du'ang bag med cher med par byis pas rtsed mo phyag mchod chos 'chad sgom sogs ya rabs dam pa'i sngon song gi spyod la dgyes shing | thugs la snying rje'i shugs rang byung du cher mngon pa sogs rnam par dkar ba'i rigs phun dum tshogs pa chung ngu'i dus su nye bar mngon pa zhig yin |
dgung lo bdun gyi steng ma yum gyis bu chung de nyid khrid de sgrol ma'i zhal gzigs mnga' ba rdo lung bla ma karma chos dbyings lhun grub pa'i mdun du mjal bar phyin skabs | bla ma de nyid kyis tugs dgyes che ba'i ngang bu chung de la chos bka' ci rigs bcas sgrol ma phyag 'tshal nyer gcig gi lung sogs byin rlabs kyang mdzad bzhin bu chung de nyid kyis klog slob nas bzang tshul kyang gsungs shing | de nas rim pas thog mar bu chung gis sgrol ma phyag 'tshal nyer gcig bslab ste ci nus 'chag med kyi mgo bzung lo de nyid kyi steng khong nag tu mi rgod bla ma mchog sgrub kyi drung nas | klog legs par bslab pas lo ngo gsum tsam nas rang yul gyi 'don cha chos spyod nas dus 'khor sgrub dkyil gyi bar thugs la chud par gyur to | |
de nas dgung lo bcu gnyis pa'i thog tu sde dge dpal spungs phyogs su chos zhu ba'i ched nyid song ste thog mar yang khrod kun bzang bde chen 'jam mgon kong sprul rin po che gang nyid sku dngos bzhugs kyi drung du mjal te | 'jam mgon de nyid kyi zhabs pad nyid kyis yun ring tsam gus pas bsten bzhin chos bka'i rim pa | jo nang lam rim gyi khrid nyid kyis mdzad pa'i blo sbyong don bdun ma'i 'grel ba'i steng nas bshad khrid zhib rgyas | rje grol mchog gis mdzad pa'i zab khrid brgya rtsa brgyud pa'i mtshan sdom sogs cha lag bcas kyi khrid lung dal brel gyi sgos lan gsum bzlas srol des dbang dang bcas pa sogs chos bka' mang tsam zhig legs par gsan | de nas rdzogs chen mkhan po pad ma rdo rje'i mdun nas | khong gis mkhan po dang gzhan dge 'dun grangs tshang gi drung du nyid kyis tshogs snga dge bsnyen dang bar ma rab byung dge tshul gnyis tha ma dge slong gi dngos po ste de 'dra'i tshigs gsum rim nod kyis bsnyen par rdzogs pa'i sdom pa ji bzhin zhus te khong gis de dus su mtshan kyang thub bstan 'gyur med rgya mtsho zhes gsol ba yin |
de nas yang mkhan po gang nyid kyi zhal snga nas | dam pa 'dis | rdzogs chen bka' srung drang srong gza' mchog gi bka' gtad dang | mkhan de nyid kyis mdzad pa'i lam gyi rnam gzhag sogs ches bka' gzhan yang mang po zhus | 'di skabs dam pa nyid la bsnyen rdzogs zhu ba'i lo tshad ma rdzogs kyang mkhan de 'dra mjal dkar sems shing tshul 'di 'dra la lo tshad gzhan la bslangs pa sogs kyis bsnyen rdzogs zhu ba'i phyag srol ltar du byas la | de skabs dgon de nyid du zla shas kyi ring la dam pa