[A:332] 'ga'i drung nas | lo chen gyi sdom gsum rnam bshad chen mo yongs su rdzogs pa nyid kyis gsan sbyang yang mdzad | de nas rdzogs gsar dgon du zhabs drung 'jam dbyangs mkhyen brtse'i dbang po'i dngos zhal bzhugs pa'i sku mdun du | dam pa 'dis sa skya'i lam 'bras chen mo'i dbang lung man ngag cha lag bcas dang | jo bo rje'i byang chub lam sgron rtsa 'grel gnyis po to ba'i dpe chos skor gyi zhib khrid tshig lab ring mo | blo sbyong | snyan brgyud chen mo | bka' gdams pa'i dam mang po'i rnam thar bklag lung sogs dang | sngags rnying phyogs kyi bka' gter du ma'i dbang lung man ngag mang po yang legs par gsan pa'i skal ba byung | 'di skabs bla ma zhabs drung khong nyid kyi tshul dgun dus su'ang gzims khang du drod tsha ngam ngam dang tshul khrims kyi dri bzang gi ngad shugs nye bar 'thul zhing nyid rgyun bzhugs skabs rnam gsum na bza' legs mdzes kyi ngang gsung skad ldir dang bcas sku lus gzhon sha chags pa'i ngang tshul gyis yod pa zhig ste de 'dra'i rje 'gro 'dren mchog de nyid kyi gam char du dam pa 'di ring zhig tu gnas skabs sku mtshams dam po sogs kyis bar 'ga' la rje gang nyid kyi dngos zhal mjal long med skabs rnams su gang gi nye gnas mchog gi drung nas kyang dam pa 'dis chos bka' gang dag la dogs gcod ci dgos mdzad cing bar bar du pad ma shel phug sogs sgrub gnas 'ga' rer dam pa rang nyid legs gnas kyis lam rim blo sbyor sogs la nyams bzhes mdzad pa sogs de 'dra'i tshul gyis lo 'gar gyi mthar phyis shig na zhabs drung rin po che de nyid kyi zhal snga nas | bka' brgyud shing rta brgyad kyi zab chos ci rigs pa dang | nyid gsung tshe rta zung 'grel | 'jam dpal bstod sgrub | rgyud sde bzhi dang 'brel ba'i sgrol ma'i sgrub thabs | sgrol ma'i maNDala bzhi chog rgyas bsdus kyi khrid lung sogs chos kyi sgo ches mang po zhig dam pa 'dis legs par mnos shing | de nas sku drung las 'byon la nye skabs su bla ma zhabs drung 'rin po che khong nyid kyis rab gnas mdzad pa'i sgrol ma'i rten thang | tshe ril gter rdzas | byin rten sogs gnang sbyin bcas zhal nas | dam pa 'di la khyod kyis da phan rje btsun sgrol ma la rgyun du gsol ba thob dang chos kyi bar chad sel bar 'gyur ro | | zhes pa'i bka' lung yang byung ngo | |
der bar skabs shig tu nyid lab khog tu song nas skyabs mgon dbang chen dgyes rab rdo rje'i zhal snga nas kyang | rta mgrin yang gsang gi dbang bka' sogs nyid kyis legs par zhus shing | skyabs mgon rang gi gzims khang sgo thad na rta mgrin yang gsang gi sku brnyan che zhing brjid chags pa gsung 'byon la khad cig bzhugs pa la'ang gus pas phyag smon tshad ldan kyang byas la | de mtshams ci rigs shag gi tshe dam pa 'di nyid rdza ser shul dgon du lo drug tsam la mtshan nyid kyi grwa sar zhugs te der mi nyag dge bshes chen po kun bzang bsod nams sam mtshan gzhan thub bstan chos kyi grags pa