[A:26] gzhung che chung gang la yang thogs pa med par mkhyen pa rgyas pas thams cad kyis kyang kun mkhyen rang du 'dug ces bsngags pas kun mkhyen gyi mtshan de dus nas kyang thogs | spyir mdo sngags kyi chos gsan pa'i bla ma sum cu lhag mnga' ba las mchog tu gyur pa skyi ston 'jam dbyangs la | mdo sngags kyi gzhung che chung dpag med dang | dbang bskur yang zur bka' bdun cu tsam gsan | dus khor gyi phogs la yang dang por bla ma 'di'i drung du dbang rgyud man ngag thams cad la shin tu mkhas par mdzad | 'chad nyan zur chos pa yang lo shas mdzad nas chos lung tshogs pa'i mkhan chen bsod nams grags la bsnyen rdzogs zhus shing | 'dul ba mdo rtsa 'grel bcas ma lus pa gsan cing mkhyen | sku btsun pa'i mthar thug par bzhugs | dgung lo sum cu pa la jo nang du don gcod cig la phebs pas sgrub tshugs la thugs dad song | de nas lhasa dang 'tshur phu sogs su phebs chos rje rang byung ba dang | chos kyi gsung gleng mang du mdzad | rang byung bas rje 'di'i lung rigs kyi zhal ya ma thegs kyang mngon shes bzang po mnga' bas khyed la lta grub dang chos skad da lta'i 'di bas kyang ches bzang ba cig myur du 'ong | zhes lung bstan | dgung lo so gcig pa ( spyi lo 1322 | rab lo 5.56 ) la jo nang du phebs mkhas btsun chen po la spyir dbang dang gdams pa mang du gsan | sbyor drug la nyams khrid mdzad | dmigs pa zhu skabs ma gtogs su dang yang mi 'phrad par mkha' spyod bde ldan du bzhugs | sor bsam gyi nyams rtogs mthar phyin pas bla mas mgyogs 'khrid bya gsung ba las | gol le skyong bar zhus te sgom par mdzad pas srog rtsol mthar phyin pa'i rtags rgyud nas bshad pa bzhin mnga' | de nas lhasar smon lam mdzad cing yer par thog gcig thugs dam la bzhugs | yang yar phebs te skyid phug tu bla ma kun spangs chos grags dpal la 'grel chen tshar gcig gsang nas gsungs | mkhas btsun chen po'i gsung gnang bas dge bshes lnga bcu tsam la rgyud 'grel gyi bshad pa rgyas pa tshar gcig gsungs so | |
gnyis pa bar du bstan 'gro'i don mdzad tshul ni | 'di nas rim gyis byung ba ste | de yang bla ma'i bka' nan chen pos dgung lo so lnga par ( spyi lo 1326 | rab lo 5.60 ) gdan sar phebs | mkhas btsun chen po shin tu dgyes nas lo gnyis su nye ba zhig nyin mtshan med par dbang lung khrid bshad pa sogs bla ma nyid la mnga' ba'i chos thams cad stsal | spyir skyi ston 'jam dbyangs dang mkhas btsun chen po la chos gsan pa ni mtha' yas te ming tsam 'dzin pa dka'o | |
gzhan yang bka' dang bstan bcos 'gyur ro 'tshal rdzogs par nan tan dang bcas pas tshar gcig gzigs | de gas don thams cad ma 'dres par thugs su chad | gzhan stong gi lta sgom khyad par can ni mkha' spyod bde ldan du bzhugs pa'i tshe thugs la 'khrungs pa yin kyang lo shas gzhan la ma gsungs | sngon chos rje kun spangs chen pos | gnas 'dir pha las bu lhag bu las tsha bu lhag tsha las