[A:339] mdos | bskang snying sogs chos bka' mang po'i bklag lung zhus |
dgung lo so lnga pa glang gi lo'i dbyar kha la dpal ldan bla ma mchog gi zhal snga nas | dam pa rang gis | rdo rje mi 'khrugs pa | thams cad rig pa gnyis kyi dbang sta dngos bcas dang | rjes gnang brgya rtsa | rya gzhung gi bklag lung bcas legs par gsan zhing | 'di skor dam pa nyid kyis | lho ba thugs rje dpal gyis mdzad pa'i rgyud bla'i 'grel ba'i dpe sde dge phyogs su yod med kyi rtsad chod zhu yig sde dger bzhugs pa'i bla ma bkra shis tshe ring sogs la springs shing lan gyi yi ge legs par slar yang 'byor la | dgung lo so drug lcags stag lor skyabs mgon gyi mdun nas | dam pa rang nyid kyis | mi 'khrugs pa dang | thams cad rig pa'i dmigs khrid | gtso 'dus khrid yig kong sprul gyis mdzad pa | lde'u thung lha gsum | tshe dpag med | seng ge'sgra | sgrol dkar sogs yi dam mang po'i byin rlabs zab khrid rnams zhus te 'dzi stod dar lnga'i ri khrod du phebs bzhugs kyis bsnyen sgrub de kun tshad ldan kha skong bcas legs grub mdzad |
dgung lo so brgyad chu 'brug gi lor bla ma mchog gi drug du | rang gis dus 'khor bskyed rim rgyas pa'i khrid zhus nas tshes bcu stod du lo gnyis la nye ba tsam nyid legs bzhugs kyi sgo nas sgrub thabs dpag bsam ljon shing la 'jug pa dang rnam bshad dngos grub nyer 'tsho sbyar ba ltar gyis dkyil 'khor yongs su rdzogs pa'i grangs bsnyen bye ba sogs mtha' rgyas ci dgos legs grub mdzad skabs nangs nub tu nyid kyis rdzogs rim nyams len gnad smin de lugs bzhin 'chag med kyis thugs kyi rtogs pa sngar las sgo gang thad nas legs ryas su byung | 'di skor sde dge phyogs nas mi pham rnam par rgyal bas gsung 'phrin zhal gdams byin rten bcas dang | bla ma bkra shis tshe ring nas kyang nyin rten skyes gnang gi rim dus su slebs so | |
sgung lo bzhi bcu shing rta'i lor skyabs mgon mchog gi bka' nan ltar skyabs rje rtsa ba'i bla ma khong nyid la slob bu dam pa gang des rgyal ba'i bka' las 'dul ba glegs bam bcu gsum dang | mdo sde bskal pa bzang po'i bklag lung sgra dag gsal brjod kyis dpal ldan bla ma dgyes pa'i mchod sprin dus su legs par bstar ba mchog des bla ma sangs rgyas kun 'dus nyid kyi thugs dgyes pa legs bskyed dam pa'i rnam dkar bsod nams rgya chen nyer bskrun kyang mdzad |
dgung lo zhe gcig shing lug lor tshes bcu dbang mda' mchog sprul nges don bstan 'phel gyi bka' nan bzhin rdo lung du dam pa 'di nyid tshes bcu'i sku rim drug cu dmar chen sbrags sgrub kyi dbu blar phebs dgos byung bas der yang sku dogs legs sel gyi rmi ltas gsal bo dus su shar bzhin nyid