[A:340] kyis phan pa che rab mdzad | 'di skor gtsang pa'i rdor slob ngag dbang chos 'byor zhabs pa'i drung nas | nyid kyis mi 'khrugs pa thams cad rig pa gnyis kyi thig rtsa bslab cing | snga phyi ci rigs su uSNISarwa lugs kyi khrid lde'u thung lha gsum khrid | rwa bod | sa bdag gtad sprug gi bklag lung sogs chos bka' yang du ma zhus la | dgung lo zhes gnyis me sprel lor sbyangs pa rdo rje 'chang chen po'i zhal snga nas | dam pa rang gi rdo rje 'phreng ba'i dkyil 'khor zhe gnyis dge legs su byed pa'i dkyil 'khor gsum sde zhe lnga'i dbang bskur tshul paN chen nam nkha' dpal bzang gi dbang chog steng nas ji bzhin legs gsan mdzad cing | lo de'i dgun khar yang bla ma mchog de nyid kyi drung nas | de lugs bzhin mgon po khro bcu'i rjes gnang dang | nag po chen po'i bsrung 'khor rdo rje brag rdzong ma'i khrid dang | mgon po'i mdun bsnyen gyi dmigs khrid rnams legs par zhus nas dam pa rang gis bcad rgya dam po'i ngang nas zla ba drug tsam du brag rdzong ma'i bsnyen sgrub tshad ldan kha skong sbyin sreg bcas ji bzhin grub par yang mdzad |
dgung lo zhe gsum me bya'i lor skyabs mgon dam pa gang drung nas | sgrub thabs rin 'byung gi dbang bka'i rim pa ji ltar byed tshul rgyan nag ye shes rdo rje'i dbang chog gi steng nas rjes gnang sum brgya lhag rdzogs par nyid kyis gsan nas lo de'i ston mjug tu mgon po'i mdun bsnyen gyi ched thog mar 'byung 'dul bsnyen pa kha gso zhag shas sngon du 'gro ba'i sgo nas mdun bsnyen dngos zla ba bdun tsam du grangs bsnyen tshad ldan kha bskang sbyin sreg bcas kyang legs grub mdzad |
dgung lo zhe bzhi sa khyi'i lor 'dzam thang gi rgyab ri dzambhala'i g.yon lung glang chen 'dra ba'i ri zhol lha shing shug pa cu ma skyes pa'i lung nang du skyabs mgon sbyangs pa'i bka' lung ltar dam pa 'dis gzims spyil byas pas spong ba bsam gtan gyi khang bzang 'dul ba dang mthun pa legs par grub cing der nyid rgyun bzhugs kyi 'go tshugs |
dgung lo zhe lnga sa phag lor chos rje'i grwa tshang la khang rgan bla ma thub bstan dang dbon rin chen dpal zung gis rkyen sbyar la brten rje btsun rin po che'i 'das mchod bde mchog nag po'i zhabs lugs kyi sgrub mchod lo bstar bzhin 'dzugs rgyu'i thad la rnga ba'i sa sgang dgon gyi phag mo'i sgrub mchod skabs kyi sbyangs lta bslab sbyang gis 'dir 'gebs byas te lo der skyabs mgon sbyangs pa gang gis | dam pa 'di sogs grwa tshang rags rim la bde mchog nag po'i dbang dang sgrub thabs kyi khrid bde chen gzi 'bar ltar legs gnang gi sgo nas sbyangs pa khong gi bka' la brten nas dbon dam pa nyid kyis de lor sgrub mchod thog ma 'dzugs pa'i khri 'dzin slob dpon mdzad nas 'tshogs de'i sta gon dngos gzhi'i bgyi ba gang dgos mtha' dag legs par byas la | dgung lo zhe drug lcags bya'i lor