[A:341] dbon dam pa rang gis | rdo lung bla ma lha ldan sogs 'dus pa don gnyer can sum cu tsam gyis zhus ngor | kun mkhyen dol po'i bka' pod drug rnam thar bcas dang | rje btsun gyi gsung 'bum cha tshang gi bklag lung legs par gsungs shing | de'i phyi lor nyid kyis chos rje'i grwa tshang gi sa ga zla ba'i dus 'khor sgrub mchod kyi slob dpon kyang mdzad dgos byung la | de bzhin du lo de'i phyi lor yang chos rje'i khang gsar 'khri shing nang du dbon dam pas bsnyung gnas kyi slob dpon mdzad de ser skya nyis brgya lhag la gso sbyong dang dge sdig blang dor gyi tshul sogs chos bka' rgya che bas phan thogs mdzad |
dgung lo zhe dgu chu yos lor dam pa nyid kyi rmi nyams su mgon sbyangs pa rin po che phebs nas phyag gis thod pa bsnams pa nas tshe chang gi bdud rtsi dang | gzhan yang tshe rdzas ril bu'i gnang sbyin dang bcas rang gis de lugs kyis btung ba dang bza' bar byas pas lus sems bde cham gyis song ba'i rmi nyams gsal po byung ba'i legs mtshan gyi rjes phyi nyin mor skyabs mchog sbyangs srib lung ri khrod du bzhugs pa nas pho nya zhig dar dang bcas mngags pa thon byung ba de'i ngag lam du da skabs skor cig dbon nyid kyis ri'i sgrub sde ba dag la chos khrid mdzad dgos kyi bka' phebs byung yod pa de lugs bzhin nyin de nyid du dbon dam pa rang gis bla ma'i bka' ltar sgrub sde'i chos tshan dag la chos khrid kyang legs par mdzad |
dgung lo lnga bcu shing 'brug lor skyabs mgon nyin pha ri'i sgrub grwa chos khrid la phebs dus dbon dam pa'ang der shog gi bka' byung ltar | rnam gnyis lhan rgyas skabs skyabs mgon sbyangs pa gang gis da phan dbon gyis chos sde phar tshur kun la chos khrid rgyun du dgos tshul gyi bka' nan byung na dbon nyid kyis dgongs grol nan zhus che stabs pha ri'i sgrub sde min tshad la bka' gnang re zhig lon nas de lugs ltar sbon dam pa gang des de lor sgrub sde'i chos tshan la sbyangs pa mchog gis byin rlabs kyi dbang khrid re sogs mdzad rjes nas chos khrid kyi tshul gang la gsal gdab ci dgos thams cad mdzad pa'i thugs 'gan legs bzhes kyis de phan sku tshe'i ring du chos bka' de ltar gyis rjes bzng ma chad pa yin zhing lo der khong gis sbyangs pa'i dbon sogs pa phung lnga lam rim sogs kyi khrid bshad dang gzhan yang chos bka' ci rigs pas phan pa re yang mdzad |
dgung lo nga gcig shing sbrul lor khang rgan bla ma dang chos rje'i dbon gnyis kyis bkra shis sgang du byams pa'i lha khang bzhengs pa la rab gnas kyi ched du dbon dam pa 'di nyid gdan 'dren byung ba ltar der phebs te de phyogs su khong gis rten la rab gnas nyin gsum du mdzad pas bkrag mdamgs rgyas pa sogs kyi legs mtshan byung zhing | gzhan yang de phyogs su chos bka' dang bdrung rim ci dgos dag mdzad pa dang lo der ri sde'i bsrung rim gtad sprug gi dbur bzhugs re yang byed dgos