[A:342] byung |
dgung lo nga gnyis me rta'i lor srib lung ri khrod du skyabs mgon sbyangs pa sku cung mi be stabs rim gro zhig gi dgos ched la dbon nyid 'bod par chas pa'i nub dbon rang gi thugs nyams su rje btsun ma'i rnam par rol pa bud med gzhon nu ma rgyan ldan zhig 'ong bas khyed sang nyin bla ma mchog la dgos mkho yod pas byon dgos tshul gyi brda gsal bo sprad pa ltar phyi nyin dbon de nyid 'bod ma dgos par bla ma mchog la zhabs brtan rim gro gang dgos legs zin gyi rjes su rje bla ma mchog de nyid kyi thugs dgyes pa chen po'i ngang nas khong gis | thub pa'i gser sku spus legs shig dbon la gnang sbyin dang bcas zhal nas | 'di phyir phan pa'i bslab bya mang dag dang | khyad par rang lugs nges don bstan pa ji bzhin skyong dgos tshul zhib rgyas bkra shis smon lam bcas kyang mdzad |
spyir lo de'i nang la sbyangs pa ma 'das sku skyes 'khrungs shing de'i bdun pa'i nyer brgyad la skyabs mgon zhi dbyings su phebs nas de'i dgongs mchod rgya cher legs sgrub dbon dam pa sogs slob tshogs mang pos mdzad skabs nub cig dbon gyis snying nas gsol 'debs kyi mthar rang gi rmi nyams su spang ljongs me tog gi dga' tshal du skyabs mgon rje bla ma mchog nyid sku 'od zer gyi phung po la chos gos gsol ba zhabs thang gi rnam pa phyag na utpala sngon po spar gang ba bsnams pa zhig la gus pas mjal ba'i mod rje bla ma de nyid kyi phyag gis utpala rnams slob bu dbon rang la legs sbyin gyi sgo nas zhal gsung las khyed kyis 'di dag su 'dod la sbyin cig | ces pa'i bka' lung nye bar byung ba ltar phyis su rje dbon 'dis de lugs kyi bstan 'gro la phan pa nges par byung zhing | sbyangs pa mchog nyid kyis dag zhing gzigs phan dhad rje dbon khong kho nas chos khrid kyis sgrub sde dag gtso bor legs bskyang mdzad dgos pa yin la | 'di skor gong 'og kun tu rje dbon gang nyid kyis don gnyer can mang dag la bslab sdom rang rang dang 'tshams pa ci rigs kyang mdzad bzhin rje bla ma'i dgongs rdzogs zhe dgu'i bar mchod smon rlabs chen kyang sgo kun nas bgyis shing | lo der nya dbon pas mdzad pa'i phar Tika spus legs shig kyang khong khong gis legs par blus shing | de'i phyi lor dza 'go'i dge bshes kyi mdun du | phar phyin nya Tika las skabs dang po'i rnam par bshad pa zla ba drug tsam du dbon dam pa rang gis bslab sbyang nan tan mdzad cing de nas rang yul du khong gis bskyed rim pa 'ga' la dmigs khrid dang | sbyang pa'i gdung rten legs grub la rab gnas sogs don gnyis kyi bya ba ci rigs re dang bcas lo de'i phyi ma la'ang khong nyid des mtshams su legs bzhugs kyi ngang phar phyin nya Tika yongs rdzogs tshar brgyad du yang yang gzigs rtog mdzad de zhal nas phar phyin gyi dgongs don nam