[A:343] mkha' lta bu yin pas spyir go rtog byung yang da ni go ba ci rigs pa re lon gsungs |
dgung lo nga lnga sa bya'i lor khong gis | to tsha bla ma sogs la byams chos lnga | mngon mdzod rnams kyi bklag lung dang | bar skabs su sog po bla ma ting nge 'dzin sogs la dge tshul slong gi sdom pa dang | yang sbyangs dbon sogs la 'jigs byed ro langs brgyad bskor gyi dbang bcas 'bru non snyan brgyud kyi dmigs khrid dang | lha ris pa bsam 'grub la spyod 'jug sa 'grel gyi bshad pa sogs kyang legs par gnang | gzhan khong gis chos rje'i khang gsar du phur ba'i sgrub chen skabs sri mnan gyi dbur bzhugs sogs de 'dra 'ga' re yang mdzad |
dgung lo drug lcags khyi'i lor khang dmar mi rgyab tshang la khong gis gtad sprug gi dbur bzhugs mdzad de bsrung rim dang | rang khyim gyi sher phyin 'bum pa'i yi ge rnams kyi steng nas klog yon legs bcos kyi bgyi ba don ldan sher phyin glegs bam gcig tsam phan yon bcas zhal nas gsung bzhin de lugs kyis bsags sgo yang mdzad | lo de'i bcu pa'i nang skor nas khong gis | nyid kyi sku dbon ton tan rgya mtsho sogs la sbyor drug sngon 'gro nas chos khrid gnang ba'o | |
dgung lo nga bdun lcags phag lor nyin cig khong gi rmi nyams su khang dmar rdo rje slob dpon nyid mchod rten zhig gi bum pa'i nang du bzhugs yod pa'i tshul gyis skad gsang mthon pos gzungs sgra bcas phebs la chas pa'i rnam pa zhig tu thugs snang byung ba ltar de lor rdo rje slob dpon de nyid kyang sku gshegs | de phan rje dbon dam pa 'dis snga phyir lo bcu gcig tsam la khang dmar du'ang klad nas chos bka' ci dgos thams cad mdzad dgos byung | zhal nas | lta stangs kho nas kyang rang gi mig la phan pa dngos gsal du byung na spyir byed bcings sogs gnad du zhog na phan yon ches mang gi sgo nges par 'byung ba smos ci dgos tshul zhib par yang yang gsungs | lo der chos rje'i dbu chos dag gis zhus ngor khong nyid kyis rdo rje 'phreng ba yongs su rdzogs pa'i dbang bka' 'dus pa nyid brgya lhag la zhag nyer brgyad bar ji bzhin du mdzad | dam pa gang gi dbang nam gsung gi skabs cho ga'i phyag len sogs rang stobs kyis byed pa dang | 'don pa skad bzang bas dka' ngal mi 'ong ba dang dbang rdzas ji tsam mang yang khong kho nas 'grim yang sku shugs mi langs pa sogs gzhan las khyad che zhing | khong gis dbang de dag gi mjug tu thugs rje chen po'i khrom dbang zhig kyang mdzad |
lo 'di'i ston mjug tu rnga ba'i mkhar dbon 'gyur med chos dbang gtsang pa'i gzims khang du phebs nas rje btsun gyi gsung 'thor dag gi bklag lung mdzad skabs dam pa 'dis kyang de kun rdzogs par gsan | khong gis kun dga' bzang po sogs la grol mchog khrid brgya rtsa brgyad kyi khridlung spel ma rgyas pa dang snga rjes kyi cha lag du ma bcas kyi bklag lung legs par gsungs shing | lo de'i grwa