[A:348] rgya mtsho | thub bstan chos kyi grags pa | kun mkhyen blo gros mtha' yas | 'jam dbyangs mkhyen brtse'i dbang po | mkhan po pad ma rdo rje | kun dga' bstan 'dzin grags pa rnams la gsol 'debs re mdzad kun bzhugs shing | nyin cig gsung las | bla ma chos dbang nyid re zhig par sgrub sde ba dag gi slob dpon du bskos nas zla ba de'i nyer drug nub bla ma lung rig gis khong la thugs dam gsal 'debs bcas kyi ngang bde bar gzims nas nyer bdun nam langs kyi dus su sku bzhengs te dbu zhwa mnab | lus rnam snang chos bdun dang bcas dgongs pa dbyings su thim nas tugs dam zhag bdun phrag gi mthar pas khyab cing mkha' la 'ja' sprin gyis gang bzhin thog ma'i gdung dud steng phyogs su shad kyis song bas gang nyid dga' ldan du phebs pa'i rten 'brel dang bcas slob tshogs kyis dgongs mchod rgya che ba'i mthar gdung rten dngul dang zangs gser las bskrun pa gnyis dang | khang brtsegs mchod rten | phyis dus kyi 'das mchod sogs sgo gang thad nas rjes sgrub legs nges su byas pa lags so | |
sbyangs pa kun dga' dpal |
2. rje dbon gang gi thugs slob dag las rang lugs kyi bstan pa mdzad rlabs can 'dir bshad bya gnyis pa sbyangs pa ma 'das mchog sprul kun dga' dpal gyi lo rgyus dus su babs pa gang zhe na | de yang sprul pa'i sku gang nyid kyi tshul ljongs 'dir rnam pa gsum du grags pa ste kun mkhyen dol po'i rnam 'phrul sbyangs pa skyabs mgon sku 'das la nye skabs su nyid kyi sprul skur bstan 'gro'i don du byon par mdzad pas sbyangs pa ma 'das sprul sku zhes yongs su grags pa dang | pad ma'i rgyal tshab gter chen o rgyan 'phrin las gling ba'i rdo rje'i bka' lung ltar na | 'jam mgon ni mi yi sha tshugs can | | rje tAranAtha dpal gyi ming | | rang lugs kyi brtan pa ga dar byed | | ces sogs bzhin sprul sku 'di nyid rje btsun rin po che'i rnam par rol pa'i sku skyes su la lar smra ba dang | sbyangs pa mchog sku dngos bzhugs kyi dus su zal snga nas kyi bka' lung ltar 'dzi stod tsha kha phyogs kyi bla ma rdzogs chen snying thig gi rnal 'byor pa 'jigs med dge ba'i mtshan can gyi sku skyes su'ang bshad tshul yod pa dang gsum las da lan gyi skabs 'dir sprul pa'i sku rang nyid gyi zhal bzhes ji bzhin yongs su grags pa sbyangs pa ma 'das mchog sprul phyogs nas thabs mkhas 'gro 'dren dam pa'i mdzad tshul mdo tsam 'chad pa la'ang thog mar sku 'khrungs yul dpal gyi 'dzam thang gi nor 'dzin phyogs kyi gzhi der sbyangs pa skyabs mgon sku'i lcam du gyur pa dge ma bsho le zhes pas sngon tsha rong phyogs nas 'khyar 'ong pa'i bud med ma bu gnyis sbyangs pa'i mi khyim de'i g.yog byed bzhin lo 'gar gnas byas mthar bud