[A:349] med des rang gi bu mo 'dzam lo zhes pa lo drug bdun can de dge ma rang la sbyin nas bud med mo rang gzhan du bag mar song ba nas bzung bu mo de nyid rim pas gso bskyed kyis cher gyur pa snga phyir rnam dkar dge la gzhol ba'i bsod nams bsags sgo can skyabs mgon nyid kyis thod pa skyabs zhes pa'i ming nye bar stsal ba'i bu mo de nyid lo nyi shu lon skabs tsam na de'i lhums su sprul sku mchog gi yang srid bzung bar mdzad pa yin la | de skabs kyi yab kyang mtha' gcig tu ma nges par skyabs mgon dam pa'i sku tsha sbyangs pa gser li zhes pa'am | tshes bcu gong ma'i mi rgyab chos yag zer ba'am | gtsang pa 'gab ma yag mdo'i phyag mdzod rgya chos bzang | zhes pa rnams gang yang rung ba zhig go | | de lta bu'i yab yum gnyis kyi sras su nye bar bskrun skabs yum gyi lhums su bzhugs pa'i dus na yum la nad med cing rmi lam du rin po che'i gter rnyed pa'i snang ba sogs legs pa'i dge mtshan ci rigs pa'ang dus su byung la | de nas me pho rta yi lo'i hor zla dang po'i yar tshes la 'dzam thang sbyangs pa gong ma'i khyim du yab yum gnyis kyis sras su sku bltams pa na yum gyi lhums nas 'o ma lud pa'i legs mtshan bcas na zug sogs mi bde ba cung tsam mede par khye'u dkar mdzes yid du 'ong ba bzhin ras 'dzum gyil le'i rnam pa can du 'dug pa dang | de skabs nam mkha' nas 'ja' 'od sna lnga khyim gzhi de nyid du zug pa sogs kyi rtags mtshan khyad par ba'ang byung zhing | 'di skor skyabs rje mkhar ba rin po che'i ngos slob rnal 'byor ma sha rgya'i mkha' 'gro zer ba phyogs nges med rnams su byon las re zhig 'dzam thang du phebs skabs shig na | zhal nas | 'o da lan sbyangs pa bla ma 'khrungs pas skyid ta yin na'ang | zhes gsungs pa la der gnas dag gis bla ma khong nyid ma 'das pa la mkha' 'gros gsung tshul mi legs pa 'di ci | zhes sogs kyi skyo ba byas tshe | yang mkha' 'gro'i zhal nas | o ya o ya | sbyangs pa bla ma ma 'das par 'khrungs na de ma 'das sprul sku los yin | zhes sogs bka' lung sna tshogs pa re mdzad kyin 'dug pa nas bzng rim pas yongs la sku skyes de nyid sbyangs pa ma 'das sprul sku zhes kun nas grags pa chen pos khyab par gyur to | |
de nas zla re song tsam na sbyangs pa skyabs mgon nyid rang khyim du ohebs pa'i skabs shig na khong la de lugs kyi lo rgyus zhib tu zhus pas khong gi thugs dgyes pa'i ngang nas | zhal gsung las | da lan gyi bu chung gang de bstan 'dzin gyi skyes bu zhig dus phyis su 'ong na thang | cung zhig nas de 'dir khyer shog dang rang gis bsrung ba zhig byed | gsungs pa ltar sku mdun du bu chung de 'ong ba'i skabs su rje skyabs mgon khong gis bu chung de la khrus gsol dang | khrus byab bsrung gsum | zhal 'debs | phyag mdud bcas kyi sgo nas shes brjod legs gnas stsal te | byis pa chung skyes nyid la | khyi gu thar zhes ming gsol | de phan khong gis thugs brtse ba'i ngang nas bsrung ba ci dgos pa me lug lo'i