[A:353] sku skyes grwa 'khor bcas 'brog sder mar bsod kyis gdul byar gnang sgo mdzad nas sprul pa'i sku skyes 'khor bcas kyis 'brog pa'i mi khyim dag la rjes gnang sna tshogs dang tshe dbang g.yang 'bod bsur bsngo sogs gson gshin rnams la rim gro phan pa ci dgos thams cad mdzad cing | de nas chos rje'i sku phyogs kyis bka' bkod ltar sku skyes mchog sprul de nyid la sgar gzhi grwa 'khor legs bsgrig gis mgo log a skyong gong ma'i nang du gdul byar phebs dgos byung ste | khong rnams kyis de phyogs kyi 'brog sde spyi la bsrung rim rkyen sel ci dgos kyis re ba dus su legs bskang mdzad ngos nas yul de'i mi khyim zhig gis khong dpon g.yog gdan 'dren skabs lug mang po bsad pa'i sha khrag gis dmar mchod zhal zas kyi bya ba mdzad dgos la thug tshe sprul pa'i sku skyes nyid kyi thugs la shugs chen snying rje bzod dka' ba nges par 'khrungs nas nyid kyis bsad sha bzhes 'dod kyi bsam pa gting nas log ste nyi ma de nas bzung sku tshe gang bor bsad sha bzhes pa spangs pa'i brtul zhugs mchog la nye bar gnas pa yin la | de nas mchog sprul sku skyes dam pa 'khor bcas a skyong ra lo'i sde shog nas gdan 'dren byung bar brten der phebs te khong dpon slob kyis ri sde so so la bsrung rim rkyen sel ci dgos dang | khyad par dpon mo sang la khong rnams kyis mgon po lha brgyad kyi rjes gnang mdzad skabs glog dmar 'brug sgra drag po zil shugs lhag par che ba char drag 'phral du 'bab pa'i ltas mtshan kyang byung zhing | 'di skabs sprul pa'i sku nyid bzhugs gdan las khru gang tsam mngon par 'phags pa der gnas kun gyi mthun snang du gyur pa sogs kyis snyan pa cher rgyas kyi grags pas khyab rgya nges par che la de skabs dngos rdzas kyi 'bul 'byor kyang ches mang po dang bcas slar 'dzam thang du phebs nas lo de'i rje dbon dam pas dgun khrid kyi dus zla mgon lugs kyi srog rtsol man chad nas bzung sngar gyi 'phros chos khrid sku skyes khong gis legs zhus te rjes dran 'khrul 'khor gyi mgor slebs par khong nyid lha rje dkon mchog 'phel dang mnyam du chos rje'i khang gsar pho brang du bzhugs nas nyid kyis nyams len gnad smin mdzad rjes | dgung lo bcu gnyis me sbrul lo'i gnyis pa'i mgo tsam nas rten khang du rjes dran 'khrul 'khor gtso bor byed pa nas bzung rnal 'byor yan lag drug po stan thog gcig ma bcas rim pas gong ma'i phyag srol ji lta ba bzhin legs grub kyi mthar lo de'i nang du rje dbon dam pa'i drung nas 'byung 'dul gyi dmigs khrid khong gis zhus te khang gsar pho brang du bzhugs nas bsnyen tshad gnyis dang kha bskang gi sbyin sreg bcas legs par mdzad | de nas khong 'khor bcas rma rong phyogs su nas bsod la byon dgos byung ste der 'gro phan gyi bya ba rgya cher mdzad cing | skabs ci rigs par yul sde pyogs kyi gnas bzang por grags pa gser ri'am bse'i ri zhes pa'i gnas su mchog sprul dpon slob gnas mjal du byon nas gnas brag de'i ngos shig la sprul pa'i sku nyid kyis phyag gi mdzub AH yig cig gsal bor bris pa der gnas grwa 'khor dag gi mthong