[A:352] yongs su rdzogs pa legs par gsan zhing | de rjes khang dmar rten khang du rje dbon mchog de nyid kyis sbyong rgyud bcu gnyis kyi dbang bka' gsungs pa kun kyang bzhin mnos so | |
de nas dgung lo dgu pa shing stag lo'i hor zla bcu pa'i tshes skor nas rje dbon dam pa nyid sku skyes kyis rtsa ba'i bla ma rdo rje 'chang du gus pas legs bsten gyi sgo nas zab lam rdo rje'i rnal 'byor gyi sngon 'gro skyabs sems yig brgya bcas kyi chos khrid rim par zhus te glang po'i ri khrod der chos mched thub dbang dang lhan cig gong ma'i phyag bzhes bzhin skyabs 'gro phyag 'bum yig brgya 'bum ther bcas kyi sgom bzlas rnam par dag pa gnad khel rim pas mdzad mthar |
dgung lo bcu pa shing yos kyi lor rten khang du sbyor drug pa rnams dang lhan du dbon rdo rje 'chang de nyid kyi drung nas sku skyes rang gis 'jigs byed ro langs brgyad bskor gyi dbang bka' dang | dus kyi 'khor lo'i mchog dbang khyad par can gsan pa re dang bcas maNDala bla rnam lhan skyes sgom bzlas dben gsum dag gi zab khrid legs zhu la brten rim pas de lugs nyams len gnad smin gyi skabs myong rtags kyi rim pa thun mong dang thun mong yin pa dus su ji bzhin thugs nyams su deng dus dang bstun pa'i rtogs pa bzang rab tu gyur pa'i tshul 'dir zhib par bshad pa rngo ma thogs kyang dngos gzhi sor bsam gyi zab khrid de lugs bzhin gsan sems kyi mnyam bzhag skabs thugs nyams su 'od gsal stong pa'i gzugs kyi rnam pa chos rje kun mkhyen chen po'i sku 'byams klas pa'i gzigs snang dang rmi lam 'od gsal gyi ngang nas gnas kyi yil 'ga' zhig sgrib med ji bzhin mngon du gsal ba sogs sku skyes nyid kyi gsung zur las thon pa sogs kyis mtshon nyams rtogs kyi 'char sgo gzhan na mnyam phal dang ye mi 'dra ba'i mdzad khyad gzhir bzhag gis dngos gzhi srog rtsol rlung sbyor bcas de lugs kyis zab mo'i khrid zhu ba'i go don nyams len gnad khel rgyun ldan gyi skabs | dgung lo bcu gcig pa me 'brug po'i zla ba dang po'i nang du rje dbon dam pa rdo rje 'dzin pa gang nyid kyi mdun nas | sku skyes rang la mi 'khrugs pa'i dbang sta gon dngos rta phyag khyung gsum | sme brtsegs rnams kyi rjes gnang | tshe dbang lha gcig bum gcig | kun rig | mi 'khrugs pa | dus 'khor lha dgu bcas kyi mtshams sbyar sogs kyi lung | 'pho ba ngo sprod sna tshogs pa'i lng khrid gang dgos dag kyang legs par thob cing | lo de'i gnyis pa'i mgo nas khong rnams kyis srog rtsol lus sbyong 'khrul 'khor gang dag gis rlung sbyor gyi mgo bzung ba nas snron zla ba'i tshes bcur dga' ston tshogs 'khor gyi rjes su 'pho ba'i man ngag sgom pa'i phyag bzhes kyis chos mtshams mdzad pa'i dus su 'dzam thang chos rje'i sgar 'dzin sku phyogs gang gis sprul pa'i sku skyes de nyid sku bdag mdzad nas rgyal tshab mchog tu mnga' dbang gsol ba'i tshul gyis