[A:359] slob dpon chen chen por mnga' gsol ba'i bka' lan thabs gang nas bzlog thabs med par gyur cing sngon sbyangs pa skyabs mgon sku dngos bzhugs kyi zhal snga nas kyang | khong gi shul tshab 'dus sde yongs la chos kyi rjes bzung byed mkhan phyis su yod tshul gyi bka' lung yang yod pa de lugs ltar 'dir slob dpon mchog gis rgyal tshab bsko bzhag kyang de ltar gnang ste zhal ta bka' 'phros ci dgos bcas kyi mthar ring po ma lon par slob dpon khong nyid kyang zhi dbyings su gshegs shing | tshul de ji lta ba bzhin klad chos rje'i sku dbon gang dag gis sprul sku mchog nyid sgrub sde ba dang grwa tshang yongs la chos kyi slob dpon dam par ci nas kyang bzhugs dgos nges kyi thad nas bka' phebs ldog med byung ba la bzlog thabs gang nas bral tshe | sprul pa'i sku khong nas kyang | gal te nges par dgos na 'dus sde yongs kyis bya ba gang ci'i thad kun spyod yang dag gi 'grig khrims dam po legs par dgos pa'i chad mdo 'dra nyis kyi bka' shog yi ge 'gyur med bcas de phan nas chos kyi lam lugs la gang thad nas thugs 'gan bzhes dgos byung la | de nas dgung lo nyer drug lcags lug la khong gis | sgrub khang ba dag la chos khrid ci dgos gnang zhing lo der ri khrod du nyid kyi gzims spyil gsar du grub pa dang | ri khrod de'i 'du khang yang gsar bzhengs kyis gzhi khyon legs par grub la |
dgung lo nyer bdun chu sprel la khong gis 'dzam thang du khang brtsegs mchod rten la rab gnas dang | 'dus sde yongs la sbyong rgyud kyi dbang bskur kyang mdzad cing dbon yon tan rgya mtsho'i drung nas naigu'i khrid skor brgyud rim dbang gis zhu ba'ang byas nas dgung lo nyer brgyad chu bya la sprul sku gang gis bla ma kun 'phel sogs la rab byung dge tshul gyi sdom pa gnang zhig lo der ri khrod du kun mkhyen dang rje btsun gyi skyes rabs rnam thar gyi bris thang bcu gsum gsar bzhengs dang | bslab pa yongs sbyong gi dge 'dun gyi sbyar gnas kyang btsugs | khong gis chos skyong sku lnga'i mdos bskang rtsom skabs rmi nyams su rgyal po'i rang gzugs kyis us 'dud lan hsum 'bul ba'i gsal snang byung zhing | 'di skor 'dzi yul du stod sprul zer ba'i gter ston zhig slebs pa thog ma sngon nas ma 'das mchog sprul gyis gter ston ji bzhin min pa thugs kyis mkhyen pas de lugs khong gis rang tshugs bzungs ba'i ngang tshul mdzad la de dang mnyam du a gter byon pa la de'i mdun nas | khong gis gter ston nyid kyi gter byon thang stong rgyal po'i sgrub skor | rje btsun sgrub thabs | rnal 'byor ma'i sgrub thabs bka' bsrung lha lnga'i stod las | 'od zer can ma'i sgrub thabs dbang chog bcas | gu ru yab yum gyi rnam thar | sgrol ma maNDala bzhi chog | bsam lhun rnams kyi bklag lung legs par gsan no | |
dgung lo nyer dgu shing khyi la khong gis bris thang de dag la rab gnas mdzad skabs dol po'i sku 'dras me tog legs bzhes bsnyon med kyi rtags mtshan byung zhing khong nyid kyis gzhan yang chos ldan gyi