[A:360] bya ba yul sde spyi la bsrung rim dang slob 'ga' la dge tshul slong gi sdom pa 'bog pa dang | la lar phung lnga'i bshad khrid sogs kyang mdzad | 'di skor zhig tu lha bzo sang jo ma dbus gtsang du gnas mjal la song ba mar lam grogs dag gis bskyur nas de shi ba skad brjod pas rang yul du gshin chog la bla sgar du ma drangs mthar ma 'das mchog sprul drangs nas khong gis khrus chog gi mthar tshe 'gugs yang yang gsungs te 'bul ba gang yang ma bzhes par phebs song ba ltar phyis su jo mo de nyid gson por slebs 'ong ba thog tu khel |
dgung lo sum cu shing phag la zla ba dang po'i nang nas khong ri khrod gzims spyil du bzhugs te nyid kyis sbyor drug mgo nas skyabs 'gro 'bum ther phyag bcas song mtshams gzims khang de nyid du rten gsar tshad ldan legs sgrub kyi rjes sems bskyed | yig brgya maNDala | kun mkhyen bla rnam la brten pa'i gsol 'debs rnems re re nas 'bum ther 'gro nges dang | hakSa 'bum ther bcu dang bcas kyi mthar | dben gsum | sor sdud rim pas nyams len gnad smin mdzad skabs nas ri khrod de'i dbyar gnas la'ang bzhugs te khong gis der gnas 'dus pa rnams la byang chub sems sdom yang gnang zhing de skabs dge bshes ting 'dzin phebs pa'i drung du dbu ma theg mchog gi bshad pa'ang legs par gsan pa'i sgo nas sbyor drug cha tshang rim pa nyams len mdzad pa dang | dza 'go'i ri khrod du bla ma rig chog gi mdun nas | khong dang tshes bcu sprul sku sogs kyis rdo rje 'phreng ba dkyil 'khor zhe lnga'i dbang yongs rdzogs kyang nod |
dgung lo so gcig me byi la dus kyi dmar dmag rgyang bskyod kyis dus zing skabs de'i snga mo nyin gnyis tsam gyi dus su khong gi sku mdun du thugs slob jo mo zhig 'ong nas des da lan dmag thon nam mi thon zhus tshe | zhal nas ku re'i tshul du | da ni dmag thon la nye ste gnang nyin nyin phyed tsam na thon zhes gsungs pa ltar de lugs ltar gyur nas dmag zing gi skabs khong dang chos rje'i sgar khog lha sde mang tsam bcas zangs dkar phyogs su phebs skabs nyid kyi thugs la spyir chos kyi mthu nus bsam mi khyab pa lta ci tha na chos gos kyi tshal bu tshun la 'di phyi'i bsrung skyobs che ba'i nus pa yod pa thugs yid gting nas ches pa sogs dang | lha chos skyong gi 'phrin las kyis rgyu rdzas re chag god byung ba ma gtogs khong mchog sprul rnam gnyis grwa 'khor bcas la nyer 'tshe'i skyon dang bral nas bde skabs su gnas pa byung ngo | |
dgung lo so gnyis me glang la rdo khog phyug shul ri khrod du nyid kyis tshe mtshams bla ma mthu dpal dang | 'jigs med ye shes sogs la sbyong rgyud bcu gnyis kyi dbang dang | dus 'khor dbang chen sogs chos bka' du ma legs gnang mdzad cing | 'dzi stod tsha kha'i brag dmar dgon du rnal 'byor ma'i sgrub mchod rdul tshon la brten pa'i 'tshogs grwa 'dzugs pa'i dbu bzung ba dang de lugs kyi 'tshogs