[A:364] dbang gsungs dus sgo khyim thams cad 'od dmar pos gang ba yon mchod dag gi mthun snang du bsnyon med byung ba sogs kyi mthu nus kyi mtshan ma phyir mngon la | de nas khong dpon slob rnga yul se dgon du phebs nas nyid kyis der sbyor drug gi zab khrid kyi mthar mgon po khro bcu'i rjes gnang gi dus glog 'brug drag char byung ba dang mgon po sku las spos dud lta bu dang bdud rtsi 'dzag pa mngon gsal du'ang byung la | de dus khong gis bla ma gsang mtha'i drung nas gza' dbang rtsi 'dzag pa mngon gsal du'ang byung la | de dus khong gis bla ma gsang mtha'i drung nas gza' dbang srog gtad bcas dang | ri khrod pa sangs rgyas kyi mdun | mkha' spyod ma'i dbang sogs dang | dpal yul mchog sprul gyi zhal nas | bka' brgyad dpal 'dus kyi dbang rnams gsan | de nas khyo kor byon skabs sgyu mdo'i bkra shis thang du gzims gur phubs nas bzhugs skabs rlung 'tshabs kyi dbus nas dpal ldan lha mo'i rnam 'phrul bud med sngon nag 'jigs gzugs can nu gcig ral pa sa la 'khyil bzhin phyag gnyis kyis thod pa nas bdud rtsi stob pa'i tshul gyis gus 'dud bcas mchog sprul nyid bzhugs pa'i sku mdun du dngos su thon 'ong ba grwa 'khor gyis mngon gsal du mthon ba'i lo rgyus yod pa dang | de skor yag shul tshe bkra jag pa song nas zla shas 'gor bas rang khyim gyis shi gson gang yin cha ma phyed skabs su sprul pa'i sku nyid drangs tshe khong gis de ma shi gson por gnas pa ma zad don chod tshul gsal por gsungs nas da zhag gnyis tsam nas thon thag bcad pa bzhin phyis su de kho na ltar thog tu khel ba sogs khyad 'phags kyi mdzad sgo mang po bshad du yod la |
dgung lo zhe gcig me khyi la khong gis 'dzam thang rgyud sde ba la nyer mkho'i zhwa gos sogs dang bcas tshur rang gnas chos rje'i sgar du phebs nas drung pa'i sku skyes chibs bsu rgya che bas khri 'don dang nyid kyis mtshams sgrub chos bka' 'chad nyan ci rigs pa dang | sribs lung du khong gis khang brtsegs nang gi lha ris la brtan bzhugs dang der gto sgrub cig gi dbu bzhugs dus bsgral las kyi tshe gnod byed gzugs kyi ling ga 'gul nas bla 'og bsgyur la khang du byung ba der gnas grwa 'khor gyis mthong ba'i mthu nus bstan pa dang | drung pa sku skyes sogs la sbyor drug myong khrid kyang gnang | 'di skor pha rol phyogs kyi 'tshe byed la nyes pa mngon gsal du byung zhing khyo ko phyogs kyi lha 'bangs dag la bla tshab kyang nam dgos dus su brdzangs pa yin |
dgung lo zhe gnyis me phag la slar khong dpon slob khyo ko phyogs su byon te khong nyid kis bla tshab sgar la mgo 'dzin ci dgos dang | rdo grub sprul sku dang khong gnyis mjal phrad chos bka' gnang res mdzad cing | gtsang grub la mjal bar phebs lam du 'jam mgon kong sprul gyi skyes bar grags pa zhu chen sprul sku'i drung nas | khong gis dpal sprul sngon 'gro'i khrid lung | sku lnga'i srog gtad kyi dbang | zab tig sgrol ma'i khrid rnams gsan | de nas 'bri ngam mdor gtsang grub chen sku dngos mjal skabs grub