[A:365] chen mchog gis sprul sku nyid la mnga' ba'i nang rtogs kyi yon tan ji bzhin mkhyen te bsngags brjod che bas gzengs bstod nye bar mdzad | de nas khong rnams a sug mas gdan 'dren gyi sgo nas bsrung rim chos bka' ci dgos kyi 'gro don dang bcas mthar 'brog sgar du bzhugs nas nyid cig byon bzhud kyi skabs shig tu sprul pa'i sku nyid chibs gong du bar bar mi snang ba grwa 'khor 'ga'i mthong snang du byung bas re zhig na khong gi zhal nas | da lan 'dzam thang bla ma zhig shambhalar phebs 'dug pas de lam la bzhag dgos tshul gsungs pa ltar dus tshod de mnyam du khang dmar rdo rje slob dpon kun dga' bsod nams mgon pos dag zhing gzigs la de mtshams shig nas khong dpon slob slar 'dzam thang du phebs skabs grwa tshang la phyag 'bab rgya cher bcas so | |
dgung lo zhe gsum sa byi la khong gis sribs lung ri khrod dang rten khang tshun gyi mtshams sgrub pa dag la chos khrid ci dgos mdzad bzhin rten khang du sgos kyi bsrung rim phur sgrub dang bcas de lor sprul sku nges don rgya mtsho phebs drung nas | rgyal ba'i bka' chos yongs rdzogs kyi bklag lung dbyangs drug 'gyur gyis legs gnang mdzad pa kun kyang gsan rjes su rten khang du khong gis sngar gyi rdor slob gshegs pa'i dgongs mchod byin che ba mdzad pa'i mthar slob tshogs mang tsam la kun mkhyen dol po'i bka' pod drug rnam thar bcas dang | rje btsun rin po che'i gsung 'bum cha tshang gi bklag lung | dus 'khor 'grel chen phyogs mchan dang | rtsang mdo'i sogs gto pod 'ga'i lung bcas legs par gnang | de nas khong gis | lha tshe mchog sprul gyi mdun nas | klu sgrub lugs kyi sems bskyed dang | rig 'dzin 'ja' tshon snying po'i gter kha pad ma 'od 'bar sgo nas tshe dbang sogs dang | bya yul dgon gyi rdor slob bstan pa rab rgyas kyi drung | zab mdo'i bsrung bzlog bsad gsum | sbyor drug gi zab khrid sogs drung pa'i sku skyes bcas kyis legs gsan mdzad |
dgung lo zhe bzhi sa glang la skabs ci rigs par khong dpon slob tsha rong pa la phyogs su phebs nas sprul pa'i sku nyid kyis bla ma tshul khrims sogs 'dus pa mang po la tshe sgrub mda' 'phel ma'i dbang gnang skabs tshe mda' sor lnga tsam bskyed 'phel gyi legs mtshan dus su byung ba dang | 'ba' wa 'bro'i dgon du khong gis dol po'i bka' 'bum gyi bklag lung dang | khang gsar dgon du phur pa'i dbang | dza 'go'i dgon du sbyor drug chos khrid ci dgos mdzad pa dang | khyad par lha mo rig byed ma'i dbang bskur ba'i skabs 'dus sde brgya dang bdun cu lhag la bum chu li bum chung ngu gang gis 'grim yang da dung ma zad pa'i grub rtags byung | de nas 'dzam thang du khong gis | bka' chos sprul sku ngas don rgya mtsho'i ngor | dus 'khor dbang chen dang | sbyor drug cha tshang gi chos khrid kyang mdzad | de nas khong dang drug pa'i sku skyes grwa 'khor bcas khyo ko'i lha sde 'ga' la mi bsad rkun jag byung ba la 'dzin bdag