[A:374] lugs dus kyi 'khor lo'i rim gnyis zab lam gyi thog ma sngon 'gro'i chos skor bar ma rab byung gi sdom pa lung bcas legs gnang mdzad de | mtshan ngag dbang lung rtogs rgya mtsho zhes gsol nas smin byed mchog gi dbang bzhis rlabs mdzad pa nas bzung rnal 'byor yan lag drug gi zab khrid rim pas gnang ste dam pa 'dis nyams bzhes mdzad pa na 'od gsal rtags bcu sogs sor sdud kyi myong rtags ci rigs pa dang | shes rab rtogs pa dang dpyod pa sogs bsam gtan gyi nyams myong bzang rab kyi sgo nas rim pas las rlung ci rigs dbu mar 'gags pa'i rtags sna tshogs dang | srid gsum dwabgs pa'i snang brnyan lkog gyur shes pa'i mngon shes rmi lam sprul bsgyur sna tshogs la rang dbang thob pa sogs nyams snang gi 'char sgo mtha' hlas pa'i tshul bla ma la zhus pas khong gis lung dang nyams myong khyad par ba'i sgo nas ji bzhin ngo sprod mdzad | yang nangs gcig rmi lam gyi snang ngor nyi zla 'i dbus su rang nyid gnas pa sgra gcan gyis zos song ba'i rmi nyams bla ma la zhus pas rtsa gsum dbyings gcig tu dag pa'i rtags su brda sprad | yang rang lus su sbrul gnyis ka ba ltar btsugs pa'i snang ba dang | dngags bsrung e ka tsa tis rang nyid ril por mid pa'i snang ba bla ma la zhus pas rin min zung 'jug chung ngu thob pa'i snga ltas su gsung | gzhan yang sngags bla med kyi zhi lhag zung 'jug gi shin sbyangs khyad par ba'i bde ba dang | spros bcas lha'i gsal snang 'dra min dang | sngags kyi mngon par shes pa khyad 'phags mang po thob pa sogs mngon par rtogs pa'i nyams myong gi klong rdol bas rtogs ldan rnal 'byor gyi dbang phyug mchog tu gyur gzhan rgyud ji bzhin mkhyen pas sgom gegs rlung skyon byung pa rnams thugs la gang shar gyi spog chog res legs par bcos nus pa la sogs pa'i grub pa'i brtul zhugs kyi go 'phang bdag gir bzhes so | |
'di skor snga phyi ci rigs su gsal skor bla ma thogs med kyi mdun nas | nyams len gyi gzhi rtsa sems ngo 'gyur ba rkyang ded byas nas sems rang gsal gyi gnas 'gyu rig gsum lo ngo gsum tsam la bsgom zhing rig pa gzhi'i yin lugs la 'dris cha cher brtan par byas shing | sbyor drug gi ma mthar bum lto legs po 'byongs la spyir lus sbyongs 'khrul 'khor yang lan grangs nyer gcig yang bskyar gyis gnad khel mdzad | de bar ci rigs su sbyangs pa kun dga' nges don zhabs pa'i mdun nas rab byung dang byang chub sems sdom sogs mnos skabs | mtshan gyi thog mar kun dga' zhes pa'i mtshan gra sbyar nas sngar gyi mtshan de bskyar bzlos kyang mdzad | yang khong nyid kyis gtsang pa'i pho brang du mtshams sgrub mdzad skabs yul de'i lha 'dre gdug can gang dag gis 'khu ldog byed pa la nyam nga med pa'i gang 'dod kyis sbyin pa btang bas gnod byed de dag mgu tshim byas pa dang | yang rgyal gdon 'gas glags lta bar rtsom pa gang dag stong gzugs 'od gsal rang lus dang dbyer med du mnyam par bzhag pas 'od gsal