[A:377] ba mkha' 'gro sde lngas gar bsgyur mdzad pa lab sgron dngos kyis chos gsungs shing sprul pa'i TA kis khrus byed pa sogs kyi dag snang dag dang | gsal skor bla ma'i khang steng du rdzogs chen sgom skabs thig le ser po'i dbus nas 'jam dbyangs sku tshon gang ba byung ste rang gi snying gar thim pa dang mnyam du rang lus 'od kyi gong bur snang zhing | rdo lung bla ma kun grol gyi mdun du bzhugs skabs thig le kha dog sna tshogs pa'i dbus nas rje btsun sgrol ma tshon gang byung nas rang lus la thim pa'i snang ba dang | jo nang rje btsun gyi rnam thar chen mor gzigs skabs rje btsun mchog gi zhal gzigs te rang 'dra'i sprul pa dpag med dang de dag gi thugs ka nas maM yig de snyed spros pa khong gi snyan g.yas su thim pa'i snang ba dang | kun mkhyen chen po'i rnam thar khyad 'phags kyi sa bcu'i smon lam skabs rje jo nang pa chen po'i zhal gzigs te sku las 'od zer gyis rang 'dra dpag med sprul pa'i bkod pa zhag bdun bar byung ba dang | rje tsong kha pa'i rnam thar gzigs pa'i rmi lam du ral gri me 'bar ba grangs med pas 'jig rten gang ba slar ral gri gcig tu gyur pa rang lus la thim pa'i snang ba byung 'phral blo gros spobs pa'i snang ba thob pa dang | gzhan yang thugs rje chen po | dus 'khor | 'jigs byed | dpal dgu | gu ru drag po | phur pa | rta mgrin | khros nag lha lnga sogs yi dam ches mang po dang | chos rgyal | gur mgon | ma gza' dam gsum sogs skyong gi sde rigs mtha' klas pa'i zhal gzigs kyi snang ba dus dus su byung la | khyad par gu ru drag po'i bsnyen sgrub skabs nang rtags bla ma drag po'i dkyil 'khor mngon sum mjal zhing dam can sde rigs kyis srog snying phul ba dang phyi rtags dgun dus su sgrub gtor la lcags spu ril bu can skyes shing | mchod chu kha dog sna tshogs dang nang mchod rmig bu dri ldan du gyur pa sogs dang | gzhan yang rmi lam gyi ngang dpal rir byon nas yi dam sku dngos kyis chos gsungs shing sku las spros pa'i yig 'bru rnams rang lus la thim pa sogs kyi byon rlabs mdzad | bla ma kun dga' nges don dang kun dga' dpal ldan zhabs pa zung gi mdun nas 'jigs byed 'bru non gyi khrid zhus skabs bla ma phyi ma'i thugs snang gi stong gzugs thig le sngon po dam pa 'di nyid kyi thugs ngor gnas spar ba dang bsnyen sgrub skabs phyi rtags mchod chu dkar dmar nag gsum du gnas 'gyur ba ka pAla'i bdud rtsi'i nang dung gi me tog 'dab ldan phor khog tsam gnyis skyes pa dang | dgun dus su mchod pa'i ngos su ljang bu gnyis skyes pa'i rtse mo rwa dbyibs me ri dang bcas pa'i rnam pa 'khrungs pa sogs dang | nang rtags rang lus tha mal gdos byas su mi snang bar yi dam 'jigs mdzad kyi sku'i rnam pa ched du ma bsgoms kyang gsal snang brtan po 'du 'bral med pa rgyun chags su yod pa sogs so | |
khong nyid dam pa gzhan gyi thugs dag snang ngor sngon gyi dus na 'jam dpal khro bo dngos byon rwa lo chen dang | rje mi la'i drung na dwangs po zla 'od gzhon nu dang | kun mkhyen chen po'i thugs slob dge