[A:378] 'dun dpal sogs skyes chen rdo rje 'dzin pa du ma dang ma 'ongs pa na lhun grub gling zhes bya bar dpa' bo mtshan mi bskyod rdo rje sogs su skye ba bzhes tshul gyi snang ba bslu med dus su shar ba dang | khong gi thugs ngor yi dam gyi lha dang gsal ba thams cad rdzogs rim gnas lugs spros bral gyi dbyings su 'dzin med lhug par bzhag pa las gnyug ma don gyi lha sku gshis nas rang gsal du shar zhing | lus rdul snyed kyi grangs su sprul te bsnyen bzlas dpag par dka' ba'i mdzad chen sogs ches ngo mtshar ba'i rnam thar mnga' ba dang drag po mngon spyod kyi gzer kha gang la bstan kyang rdul du brlag mi nus pa gang yang med cing | thugs ting nge 'dzin gyi ngang nas phyi yul snang gi mi dang mi min gyi gnas tshul ji bzhin mngon sum gzigs pa dang | phur pa tshom bu 'bum sgrub dus lcags phur rno dbal dang ldan pa mngon sum phul 'ong zhing nag po chen po'i sprul pa mi nag dar dkar ang rag can gyis ma 'ongs 'byung 'gyur dus su legs 'doms mdzad pa dang | mgon po brag rdzong mar bzhugs skabs me rlung 'tshubs dkyil nas gur mgon sku khru gang ba tsam byon nas snying gar thim pa sogs dang bcas mgon pos phyag mtshan gri thod ster bas dngos grub thob pa dang | ye shes kyi mkha' 'gro ma chen mo bdud 'dul seng ge'i gdong can gyis zhal dngos su bstan pa sogs kyi ya mtshan che ba'i rtags mtshan dang ldan pa'i gsang chen sngags kyi rdo rje 'dzin pa zla dang bral ba zhig ste |
khong nyid kyi dgung grangs zhe bdun me bya'i lor sa dmar dpal rtse dgon du gang gis sbyor drug gsar du btsugs pa'i dbu bzung nas gzhan gdul bya rjes 'dzin gyi mdzad pa gnang ste de phan chad lo bstar gyi slob tshogs chos tshan pa re re rgyun ma chad par legs bskyang gi sgo nas dus 'khor sbyor drug cha lag bcas kyi dbang lung khrid gsum gang dgos thams cad kyis re 'dod ji bzhin bskang bar mdzad cing | nyid dgung lo nga gsum chu yos lor sgrub grwa gsar btsugs kyi sgo nas zab lam gyi bstan pa slob tshogs tshan so so la legs spel gyi bya ba'ang de lugs ltar mdzad pa nas bzung sgrub brgyud kyi gsang chen mchog gi bstan pa ches legs spel mdzad pa yin zhing | khong nyid sgrub mchod sogs kyi dbu blar bzhugs skabs rtags mtshan sna tshogs byung tshul yang sa dmar dgon gyi dus 'khor stong mchod kyi 'dzin dus su kun gyi mthong snang mnyam por mchod pa nam mkhar 'phags shing | gtso gtor gyi zhal dngos su bla ma khong nyid la phyogs pa sogs sgrub chen du ma'i skabs mchod gtor nam mkhar 'phags pa lan mang byung | yang gtsang sprul blo bzang khong gi mdun du mjal bar byon skabs 'du khang gi bris thang rnams las slob dpon pad ma'i spyan lta stangs hrig hrig bsgyur zhing g.yo ba'i dgyes mtshan ngom pa'i legs sgo bsnyon med byung ba dang khong gis gzhan nad pa tshabs chen dag la lo 'bras 'ga' la sngags btab pa'i gnang sbyin gyis nad de dag las grol bar mdzad pa dang skabs 'gar phyag tu 'ong gi sa rdo'i dum bu re