[A:380] sgrub kyi sgo nas mahA kAla dung phyir | hakSa dung phyir | hrIStaH dung phyur sogs kyi bsnyen bzlas mdzad cing | gsung chos yang sna tshogs dang gcod skor sogs glegs bam gcig tsam da lta yod pa 'di ga ltar ro | |
de nas khong dgung grangs drug cu'i ma mtha' tsam na | nyid kyi zhal nas | bdag gi tshe tshad jo nang rje btsun gyi sku tshe'i tshad re gcig las mi brgal tshul sogs zhing 'dir re zhig gdul bya rdzogs tshul gyi zhal chems gnang skabs slob bu gang dag gis mya ngan bcas bzhugs zhus phul kyang zhal bzhes ma mdzad par khong gis dpe mdzod sogs grwa tshang la gtad | nyid kyi rgyal tshab tu bla ma snyan grags bsko bzhag dang bcas khong rang gi thugs snang du rang bzhin brgyad cu'i rtog tshogs 'gag tshul dag snang rab 'byams yod tshul sogs kyi bka' chems zhib rgyas kyi mthar nyid kyis thugs dam bcad rgya'i ngang nas re zig legs bzhugs mdzad rjes dgung lo re gcig lcags phag lo tshes pa'i tho rengs su sku rnam snang chos bdun gyi ngang nas 'od gsal ma bu dbyer med kyi ngang du thugs dam du bzhugs so | | de ma thag sa g.yo ba dang nam mkha' nas sgra grags pa me tog gi char 'ja' sprin ngo mtshar ba sogs kyis legs pa'i mtshan ma dang bcas zhag bdun phrag gsum du thugs dam ma grol | de nas dkar dmar gyi rtags ji bzhin pa dang bcas thugs dam legs bkrol gyi dus su'ang sngar gyi dge mtshan dang bcas gdung mchod rgya che ba legs bsgrub dang sku gdung zhugs la 'bul skabs khu gang tsam du gyur te 'ja' lus su cha tshang 'grub la nye ba dang bcas phyi rtags 'od dkar por tshes bcu gsum gyi zla ba'i dbyibs lta bu mkha' lam nas shar ba sogs ya mtshan pa'i rtags du ma dang nang rtags thugs slob dag gi dag snang ngor ngo mtshar ba'i gzigs snang sna tshogs pa'i 'char sgo dang bcas gdung bzhu legs byed dang gdung rus dag la lha sku ring bsrel sogs kyang yod par grags te tshul de lta bu'i sgo nas dgongs mchod gdung rten mtha' rgyas su grub la | gang gi thgs slob dpal rtse dgon gyi rdo rje slob dpon bla ma ngag dpal | bla ma thugs rje dpal sogs dang | rnga ba'i se dgon gyi rdo rje slob dpon bla ma gsang mtha' | se sprul yon tan lhun grub sogs bstan 'gro la phan thogs pa du ma byon no | |
sa dmar dgon gyi rdo rje slob dpon gnyis pa kun dga' snyan grags |
3. gang gi gdan sa skyong ba'i sgo nas rang re'i chos brgyud legs spel mdzad pa'i sa dmar dpal rtse dgon gyi rdo rje slob dpon gnyis pa kun dga' snyan grags kyi lo rgyus yang | dpal rtse dgon gyi nye 'dabs su yab shi nang stobs rgyas dang yum rbugs shul za gnas skyid gnyis kyi sras su chu phag lor sku 'khrungs | de nas rim pas klog sogs bslabs te dgung grangs bcu drug tsam na 'dzam thang