[A:381] gtsang chen pho brang du kun dga' dpal ldan zhabs pa'i drung du sbyor drug sngon 'gro'i chos skor sdom pa bcas legs mnon kyis mtshan kun dga' snyan grags gsol |
de nas rnal 'byor yan ag drug gi lam gong ma'i phyag bzhes ltar lo gsum nyams len brtson pa lhur len mdzad pas nyams rtogs kyang gzhan phal pa las bzang rab byung | de skabs sbyor drug gi chos skor ma zad shangs chos sogs chos bka' gzhan yang ci rigs pa legs par gsan | de nas gtsang pa'i sgrub grwar snga phyir lo gnyis tsam du sbyor drug nyams len mdzad cing lha bzo bla ma'i mdun nas shangs chos sogs kyi chos bka' yang thob |
de nas dgung lo nyer gnyis skor lo gsum du thugs rje chen po dmar khrid tshom lugs la nyams len mdzad rjes lo brgyad du gtsang pa'i sgrub khang du sbyor drug bsgoms par byas so | |
dgung lo so gnyis su sbyangs pa bla ma'i mdun nas dge tshul slong gi sdom pa mnon shing | gtsang pa'i sgrub grwar yang lo gsum du rdo rje'i rnal 'byor bsgoms pas khyon sgrub khang du lo bcu gsum tsam la mtshams sgrub mdzad | 'di skor sbyangs pa bla ma'i mdun nas rdor 'phreng gi dbang sogs chos bka' rgya cher gsan zhing bla ma gang gis dam pa 'dis nyams len gyi gnad jo nang rang rkang stong gzugs chos nyid rang mdangs su ngo ji bzhin sprad de lta ba gtan 'bebs kyang mdzad | gtsang pa'i rdo rje slob dpon bla ma chos 'byor gyi mdun nas kyang | grub thob brgyad cu | sbyong rgyud bcu gnyis | bde mchog rab 'byams sogs snga phyir dbang bka' ches mang gsan | sa dmar dgon gyi rdo rje slob dpon kun dga' lung rtogs zhabs pa'i drung nas | 'byung 'dul | rta mgrin | 'jigs byed 'bru non bsnyan brgyud kyi dmigs khrid zhus te bsnyen sgrub kyang mdzad cing dgon de'i sgrub khang du lo gcig la sbyor drug kyang bsgom |
dgung lo bzhi bcu skor mgon po brag rdzong ma dang mi 'khrugs pa'i bsnyen mtshams mdzad cing rme'u bla ma'i mdun du gcod skor kyang zhus | 'di skabs khong mgo log tu klog 'don skabs rmi lam du lha chen drakSad kyi zhal yang gzigs | bla ma lung rtogs dang | mkhas dbang zung gi drung | naigu'i zab khrid dang | bla ma lung rtogs nyid mdun | rdor 'phreng dbang yongs rdzogs | naigu'i dbang bka' cha tshang sogs zhus shing sa dmar sgrub khang du lo gcig la sbyor drug yang bskyar bsgoms rjes bla ma chos 'byor mdun nas de nyid lnga pa sogs kyi dbang bka' yang zhus | slar sa dmar sgrub khang du lo gcig la rnal 'byor nyams len byas rjes bla ma lung rtogs kyi gsung 'bum steng nas bsnyen tshad dang | dus 'khor lha dgu'i bsnyen mtshams | gcod gnad don snying po'i steng nas nyams len kyang mdzad | de dag gi grub 'bras yang dam pa 'di'i thugs rgyud la thun mong lam gtso gsum dang thun min dus kyi