[A:383] gang bo'i chos ldan bya ba'i lam lugs sogs mkho 'os gang 'tsham gyi zhal chems zhib rgyas gnang | de dus su slob bu dag gis zhabs brtan bzhugs zhus ga 'dra phul yang zhal gyis ma bzhes par nyid kyi rgyal tshab bsko bzhag sogs kyi mdzad sgo ci dgos dang bcas lo de'i zla ba drug pa'i tshes nyi shu'i nyin de sngar sku bsnyung tshul mdzad pa yar dwangs na zug gang yang med par skye 'chi rang dbang yod pa lta bus sku rnam snang chos bdun ya mtshan pa'i ngang nas gzugs sku'i bkod pa bsdus te thugs dam legs bkrol rtags bcas dgongs mchod gdung rten sogs sgo gang thad nas mi dman pa'i tshul zhib par bdag gis bsgrigs pa'i dam pa 'di nyid kyi rnam thar na legs par gsal ba ltar dang | gang gi thugs slob yang rtogs ldan gyi rnal 'byor pa rang lugs 'dzin pa du ma dang phyogs nas byon pa'i ris bral gyi skyes chen mang po yod do | |
sa dmar dgon gyi sgrub kyi slob dpon ngag dbang dpal bzang po |
4. 'di'i gdan sa 'dzin pa'i sgrub brgyud kyi slob dpon ni ngag dbang dpal bzang po ste | de'i lo rgyud yang sa dmar rtse dgon dang ha cang mi ring bar yab mang dge lha rgyal dang yum bser za g.yung skyed gnyis kyi sras su me phag la sku 'khrungs nas cher bskyed dgung lo bdun nas klog bslabs te ji bzhin thugs la chub pa nas dgung lo bcu gnyis skor du chos sgor zhugs te sa dmar dpal rtse dgon du rdo rje slob dpon kun dha7 lung rtogs zhabs pa'i drung du yan lag drug gi sngon 'gro sdom pa'i rim pa bcas legs mnos kyis mtshan yang ngag dbang dpal bzang po zhes gsol ba nas bzung rnal 'byor yan lag drug gong ma'i phyag srol ltar lo gsum du nyams len gzab ldan byas pas rtogs pa'i 'char sgo yang 'od gsal rtags bcu sogs nyams snang gi 'char tshul gzhan phal pa las ches khyad par ba byung zhing khyad par bsam gtan gzugs sems dbyer med ji bzhin ngo 'phrod cing rtsa rlung la'ang nus pa dga' rab re thob cing | de skabs su sbyor drug gi rtsa ba'i zab khrid sogs nyer mkho'i rigs kyi chos bka' dag thob |
de nas dgung lo bcu drug skor nas rme'u bla ma'i mdun nas rgyal thang ba'i lugs kyi gcod dkor sogs zhus shing | sa dmar sgrub grwa'i thog ma la lo gcig tu sbyor drug nyams len mdzad skabs lha sems dpa' yab sras kyi gsal snang yang 'char sgo'i tshul du byung | naigu'i zab lam lo gcig tu bsgom zhing | 'byung 'dul | rta mgrin gyi bsnyen mtshams mdzad cing 'di skor bla ma lung rtogs kyi mdun nas sbyor drug | naigu| bskyed rim sna tshogs kyi zab khrid dang | rdor 'phreng | sbyong rgyud sogs kyi dbang bka' yang du ma thob |
dgung lo nyi shu sogs su 'jigs byed 'bru non | snyan brgyud | mgon po sogs kyi bsnyen