[A:382] 'khor lo'i bskyed rim dang rdzogs rim yan lag lnga pa man chad sku tshe smad du slebs par deng dus la ltos nas rim gnyis kyi nyams rtogs ches bzang rab kyi rtser gyur cing yan lag drug pa ting nge 'dzin gyi 'char sgo yang ci rigs pa nges par byung tshod du 'dug | de nas bla ma lung rtogs sogs mngon mkhyen can du mas bka' lung bstan pa ltar dang khong rang gi rmi lam 'od gsal gyi dge mtshan shar ba rnams dus su babs |
dgung lo zhe dgu'i steng sa dmar dgon gyi rdo rje slob dpon kun dga' lung rtogs kyi gzugs sku chos dbyings su bsdus rkyen khong nyid kyis rgyal tshab gdan sa ba mdzad dgos byung nas lo bstar bzhin gyi sbyor drug gi chos tshan khog dang sgrub khang tshun dang bar bar du mtshams grwa pa gzhan bskyed rim pa sogs ci rigs la rang rang dang 'tshams pa'i zab chos kyis re ba skong bzhin legs bskyang gi mdzad sgo nas nyid kyi dgung lo zhe dgu nas don gcig bar lo nyer gsum tsam gyi ring la mtshams grwa sgrub pa'i rnal 'byor pa chos tshan lo de snyed kyi rim pa la sbyor drug cha lag yongs su rdzogs pa dus 'khor dbang chen lo re bzhin dang gzhan yang shangs chos skor cha tshang | rgyud sde rab 'byams | rin 'byung | rjes gnang brgya rtsa | sbyong rgyud bcu gnyis kyi dbang bka' rnams dang | bskyed rim gyi rigs sna tshogs kyi zab khrid dang | mkho tshogs ci dgos kyi bklag lung dang | brag dkar sprul sku blo bzang dpal ldan bstan 'dzin snyan grags la sbyor drug khrid yig mthong ba don ldan gyi lung khrid sogs zab mo'i chos kyi zab bka' gang dgos la de de bzhin gyi gzhan don rgya che ba'i mdzad bzang gis gzhir gnas mtshams grwa phan tshun gyi slob bu rnams ma zad phyogs nas 'ong ba'i ris su ma chad pa'i skyes chen dam pa mang pos gtshos 'dus pa ches mang po bar bar rjes su bzung ba'i sgo nas bstan 'gro'i don rgya cher spel zhing | khong gis sku tshe gang bor mtshams sgrub kyi 'bad brtson gong smos bzhin dang | gzhan yang hakSa dang yig drug dung phyur re re dang | rang ga bas tshe gang bor 'grub dka' zhing sa lam mthon po'i mdzad khyad heruka'i yig brgya dung phyur ljags bzlas dang rgyal ba'i thugs rten sa tsha dung phyur gdab pa sogs gsang gsum rnam dkar 'ba' zhig las sdig pa'i las lta ci lung ma bstan gyi bya ba'ang srid mtha' tsam las mi mnga' ba'i skyes bu dam pa zhig ste | khong gis gdul bya rjes bzung skabs kyi zab mo'i dbang bka' sogs rgya cher gzhan la 'chad dus nyid kyi thugs nyams su rim gnyis kyi rtogs pa ches zab pa'i stobs kyis gzhan slob bu gang dag la rang rang dang 'tshams pa'i ngo mtshar ba'i bkod pa sna tshogs kyi snang ba byung ba sogs don gnyis kyi mdzad chen kun nas yongs su rgyas shing sku tshes mdzad pa mthar phyin pa gang gi dgung grangs don gcig tu son skabs de dus kyi mtshams grwa pa sogs slob bu gang dag la | nyid kyi zhal nas | chos bka' ci dgos dang zhal ta'i tshul gyis slob tshogs kyi tshe