[A:390] skabs sogs su rtsa ba'i bla ma'i dbu gtsug tu rgya gar pa'i grub thob kyi rnam pa dang bar 'ga' shambhala nas byon pa'i chos rgyal gyi rnam pa gang yang rung ba thugs dag snang gi ngor byon nas 'phrul 'khor snga phyi thams cad kyi phyag rgya legs bslab mdzad pas kun la thugs nges zab mo 'khrungs te deng dus kyi phyag rgya'i lag len 'ga' nor bcos dang bcas gong ma'i 'phrul 'khor gyi khrid yig la mchan 'grel kyang mdzad |
'diskor snga phyi ci rigs su khong nyid mnyam bzhag zab mo'i skabs shig tu 'od gsal gnyug ma'i dbyings su skad cig la 'phral du 'phos te dag pa mkha' spyod du phebs par chas pa'i tshe lha dang bla mas bskul ba'i tshul gyis rtsa ba'i bla ma dge slong nyid kyi zhal nas | nged kyi slob bu chos 'dzin gang du gnas kyang 'dir khug | ces pa'i bden brjod dang bcas phyag 'khor sa la brdabs pa'i mod | skad cig de ma thag slob bu mnyam bzhag las bslangs te 'phar g.yo'i ngang nas byon te bla ma gang dag gi drung du kho bo da lan mkha' spyod du 'gror ma bcug pas yid pham zhing mya ngan che tshul gyi gdung yas sna tshogs pa'i gtam yang brjod ces grags skad | de phan mnyam bzhag zab mo la rtse gcig tu ha cang gzhol ches na dbyings de'i ngang du myur nas 'pho bar dogs te thugs g.yeng rkyen lha dang yi ge 'bri ba sogs rig gnas sna tshogs la 'phral 'phral bslab tu bcug cing | ting nge 'dzin nyams len skabs su'ang sngar las mi 'gyur ba'i bde chen gyi snang ba kun 'phel ba sogs kyi myong ba'i drod rtags ches khyad par ba byung ba'i sgo nas gong ma'i phyag bzhes bzhin gyi sbyor drug la nyams len mdzad cing | de dus su rje bla ma dge slong gi zhal snga nas dus kyi 'khor lo'i dbang lung rim gnyis kyi zabb khrid man ngag cha lag dang bcas yongs su rdzogs pa legs gsan mdzad | gzhan yang bla ma de nyid kyi mdun nas snga phyi ci rigs su 'byung 'dul | rta mgrin | 'jigs byed 'bru non | snyan brgyud dmigs skor nyer lngs yan sogs bskyed rim sna tshogs pa'i dmigs khrid zhus te bsnyen sgrub tshad ldan 'grub rtags khyad par ba dang bcas pa re re'ang mdzad la | de skor ci rigs par rdzogs chen dpal sprul 'dzam thang du phebs skabs su gang gi mdun nas | byang chub sems dpa'i spyod 'jug | kun mkhyen dol po'i Tika'i steng nas rgud bla'i bshad khrid | mdo sde za ma tog gi bklag lung rnams kyang rim pas gsan | rje rtsa ba'i bla ma mchog gi drung nas | sbyor rgyud bcu gnyis | grub thob brgyad cu | dus 'khor dbang chen | sgrub thabs rin 'byung yongs rdzogs sogs zab bka' mang po gsan zhing | khyad par khong nyid dgung grangs so gnyis skor tsam na rje bla ma dge slong gi mdun nas | bsnyen par rdzogs pa'i sdom pa legs mnos kyang mdzad | yang rje bla ma gang nyid kyi drung du snga phyi rim par rgyud sde rab 'byams cha tshang gi dbang bka' dang | shangs chos skor gyi dbang khrid man ngag yongs rdzogs gsan sgom gyis sngar las