[A:389] kun spangs chos grags dpal dang | mdo khams smad phyogs 'dzi yul gyi stod du tshe bla ma rgyal mtshan gyi sku tsha gzhon nu 'byor yan lag drug las yan lag gsum pa srog rtsol man chad kyi rtogs pa klong rdol te gtum mo 'od gsal gyi dag snagng rab 'byams mched pa de'i ngang nas yun mi ring bar 'pho song ba'i grub brnyes gzhon pa rnams kyi tshul rim par legs byon mdzad pa las phyi ma 'di nyid kyi yang srid du bstan 'gro'i la skye ba legs bzhes kyi tshul ni | 'dzi smad kyi char gtogs wa shul zhes pa'i yul der rus a bzang gi rigs su chu mo lug gi lor dam pa 'di nyid kyi sku legs bltams mdzad cing | de nas rim pa bzhin sku na legs par bskyed de mtshams shig nas nyid kyi khu bo bla ma lha bzo kun khyab kyi drung nas yi ge'i klog legs bslab mdzad pas mkhas gnas kyang thob |
de lta bu'i tshul gyis sku na son skabs re zhig nas 'dzam thang gtsang chen pho brang du gtsang pa dge slong ngag dbang chos 'phel rgya mtsho bzhugs pa'i mdun drung du legs phyin mdzad de sgo gsum gus pa chen pos dge ba'i bshes gnyen rdo rje 'dzin pa gcig chog rgyal po nyid du bkur te chos kyi sgor zhugs nas zab lam sbyor ba yan lag drug gi sngon 'gro'i rim pa sdom lung bcas kyis mtshan yang ngag dbang chos 'dzin dpal bzang po zhes gsol ba'i zab chos gsan sgom ji bzhin mdzad cing | de dag gi skabs lam rang rang gi drod rtags khyad par bas thugs mdzod kun nas rgyas shing | nyid kyi chos mched rdo rje'i spun rgya bla ma ngag dbang dkon mchog dang lha ba bla ma kun dga' dpal ldan gnyis yin la | de 'dra'i tshul gyis zab lam nyams len gyi skabs thog mar dben gsum dus nas kyang sems kyi gnas lugs rang ngo ji bzhin 'phrod pa ma zad stong pa'i gzugs kyi 'char sgo mtha' klas shing mngon par shes pa'i gsal snang gi lkog gyur gyi don mang po ji bzhin mkhyen pa | sor sdud skabs sngar las 'od gsal rtags bcu'i snang ba ches kun nas rgyas te bsam gtan skabs stong gzugs sems dang dbyer med du gyur te mnyam rjes khyad med du legs par brten nas srog rtsol skabs las rlung dbu mar bcings pas rlung dang stong gzugs ro mnyam gyi ngang nas rtsa rlung gi nus pa cher rgyas lus sbyong 'phrul 'khor rigs drug gi 'beb chen skabs sgrub gnas byans khang du byams pa'i sku brnyan chen mo'i mtha' bskor bar snang lam nas g.yas skor lan bcu drug gis 'beb chen 'phen thub cing | 'dzin pa'i skabs stong gzugs bde ba'i rang mdangs su shar te mnyam bzhag mi rtog pa tshabs che bas 'od gsal gyi dbyings de ka'i ngang nas ra ba sogs thogs bcas gang la sku thogs reg med par zang thal gyis byon bzhud dngos su mdzad pa'i 'phar g.yo dang bcas skabs der mtshams grwa ba la glags lta bar byed pa'i phyi'i rgyal gdon skad cig gis rgyang ring du bskars par mdzad pa de 'dra mang la | rjes dran skabs stong gzugs bem lus kyi go sar 'phos te zhu bde sngar las rgyas bzhin thig le dbab bzlog gi 'phrul 'khor