[A:392] phebs dgos tshul gyi zhu ba a skyong gong ma'i dpon gyis legs 'bul pa'i bang mi ming gas shing de dus su dkar phyogs lha gnyan g.yu rtse yang zhu ngor bsu ched du thogs pa med par de lugs ltar dam pa mchog gi sku drung du legs phebs mdzad pa sogs kyi dge mtshan cir yang ngom bzhin mdzad sgo de 'dra ba'i dbang gis slar khong nyid bla tshab tu phebs dgos byung zhing | de dus su'ang lam bar mgo log gi yul du slebs ma thag pa rnams su lha gnyan 'khor dang bcas kyis dga' bsu phul du byung ba'i sgo nas legs mtshan dngos rdzas kyi 'byor pa'i 'bul nor dus dus sprad de legs pa'i rten 'brel gyi mgo tshugs pa nas bzung rim par gshin po rjes 'dzin gyi sgo nas gtso bor 'gro don mdzad skabs nub cig glo bur du khong gi zhal nas | grwa 'khor rnams la | da lan long dang 'gro | gsungs nas khong nyid sngon du chibs gong gis grwa 'khor rnams la mgyugs 'gro byas nas mi khyim zhig gi sgor slebs tshe khyim tshang de'i bud med cig shi nas gshin dge dang bcas zhag gcig tsam long ba'i nub mo der gnas kun gnyid du song skabs dang thug pa na mtshan mo bud med kyi ro langs nas mgo mjug bzlog ste gnas pa de'i steng du skad cig la 'jigs bral bag tsha ba med par gnod byed thog brdzus kyi tshul du chibs gong nas babs te sku 'gyings brjid rngam pas bzhugs bzhin zab mo gcod kyi zil gnon rgya cher mdzad pas de ma thag tu bud med de'i ro las chu ser rdol nas shi ba'i gshed dang kun nas bral bar byas |
yang rgad po zhig 'phral du shi bas khong grwa 'khor bcas der phebs nas nyid kyis zab mo gcod kyi sgo nas bgegs bskrad mdzad rjes rgad po slar sos nas gson por gyur te tshe dbang yang bskur nas tshe legs bsring mdzad skabs rgad po kho rang gi snang bar rang nyid btsan gyis khyer te song ba na btsan dag gis me long lta bu'i 'od lam me zhig gis sgrib byed byas nas nged tsho gzhan gang dag gis mthong mi nus par gyur pa'i re zhig na nye 'khor gyi byis pa zhig kyang btsan de rnams kyis khyer nas 'gro bar chas tshe rgad po rang snang la 'phral du rang khyim gyi sbra zur na slebs pa'i snang ba byung skabs skad cig de la ser ba drag po 'bab pa'i btsan shed kyis rgad po rang dang btsan rnams kha bral byas te kho nyid gcig pu shul du lus song ba'i snang ba shar tshe shi ba las slar sos pa'i skabs su 'dug go | |
yang bud med cig nad kyis thebs nas khong la thugs brtag zhus pas zhal nas | 'di la gdon 'dre can gyi zur nas 'ong lcags cha zhig gis nad rkyen byas yun ring mi 'tsho bar nges zhes gsungs pa ltar bud med de nad las ma thar bar shi skabs khong nyid gdan drangs nas byon dus thugs khro ba'i tshul gyis der gnas kun la bka' drag tu bkyon bzhin bud med shi ba'i bam ros gdan byas te gcod kyi bka' drag pos mtshams rngam gyi 'jigs zil mdzad cing | de skabs khyim tshang de'i sbra'i nye 'dabs su zha bo zhig yod pa de khong gis phyag nas bzung ste nam mkhar bkyags nas sa la drag tu brdab par