[A:393] mdzad pas de phan chad du byis rkang pa nad med du gyur cing gshin po bud med kyang yul der gnod pa'i 'dre ngan du 'gyur la khad pa la khong gi thugs rjes 'gro la gnod 'tshe med par gnas bzang por spar |
yang dgun kha zhig tu gsa' skor rgad po zhig rke bgags nas shi ba gnas tshul sbed pas gdan 'dren du 'ong skabs thugs khro tshul gyis grwa 'khor rnams las snga mgyogs su chas te lam bar gyi lung pa na dgun 'khyags chab rom shin tu 'thug pas bgrod thabs dka' ba la yud tsam du chibs rta'i steng nas shad kyis byon shul chab rom 'khyags sgang 'dom gang tsam de ma thag rang zhir song nas grwa 'khor kun kyang lam de nas byon bzhud kyi sgo nas khyim tshang de'i khyim du snga phyi rim pas khong dpon slob slebs dus rgad po'i ro la gdon zhugs te yar langs grabs byed pas khyim mi kun phyogs phyogs la 'bros song mtshams dang thug pas khong gis 'jigs rngam gzi brjid cher bskyed de zhabs rkang ro mgor bzhag pa'i sgo nas zab mo gcod kyis bgegs 'dul rgya cher mdzad pas de ma thag tu ro shub ste chu ser byung nas rang zhir song ba sogs 'gro 'dul dus babs kyi mdzad chen rlabs che bas gshin po gnas 'dren dang gdon 'dre 'dul ba'i mdzad sgo ches mang po dang bcas 'gro 'dul dpag med kyi che ba ngom pa'i lo rgyus mang ngo | |
mtshams 'di skor gong 'og ci rigs du rdo rje 'dzin pa mchog gis nges don sgrub brgyud kyi gsang chen bstan pa sgo thams cad nas mchog tu spel zhing dar rgyas su mdzad pa'i tshul yang khong nyid kyi bzhugs yul sgrub pa'i gnas mchog dam pa ri khrod bkra shis lha ri'i rtse'i dben gnas su gang gi zhabs zung rdo rje'i khri la legs 'khor mdzad nas rdo rje'i slob bu skal ba dang ldan pa rnams thugs brtse ba chen pos rjes su bzung ste rang rang gi khams dbang dang mthun pa'i zab mo'i chos kyi sgo legs phye byas nas dbang po'i rim pa bzhin gyi smin grol la ji ltar bkod pa'i rim pa rgyud rgyal dus kyi 'khor lo'i zab lam yan lag drug nyams len byed pa'i mtshams grwa ba gang dag gis gzhi khog phub | gzhan zab lam naigu'i bskyed rdzogs dang yi dam sna tshogs pa'i bskyed rim gyis mtha' legs par brgyan pa'i tshul gyis sgom grwa dam pa gong ma'i phyag bzhes bzhin so so'i chos tshan snga phyi mang po zhig zab chos kyis legs bskyang mdzad pa ste | sbyor drug pa'i chos tshan gang dag la dus 'khor gyi dbang bka' sngon du 'gro ba'i sgo nas zab khrid lung man ngag bcas slob tshogs kyi rgyud tshod dang mthun par rgyud la 'byor nges su ji bzhin ma sbas shing gsal bar ston la chos tshan snga phyi rim pas rdo rje'i rnal 'byor yan lag drug legs bsgom gyi mthar dga' ston tshogs kyi 'khor lo bstar bzhin mdzad pa'i dus skabs rnams su rdo rje 'chang khong nyid tshogs kyi slob dpon du phebs tshe 'ga' sku chas chos gos rnam gsum gsol nas